भारत आणि इंग्लंड यांच्यातील पाच कसोटी सामन्यांच्या मालिकेला हैदराबादमध्ये सुरुवात झाली. आणि पहिल्याच सामन्यात इंग्लंड संघाने यजमान भारतावर 28 धावांनी विजय मिळवला. या सामन्यातील पराभवानंतर टीम इंडिया या मालिकेत 0-1 ने मागे आहे. त्याच बरोबर जागतिक कसोटी चॅम्पियनशिपच्या गुणतालिकेतही भारताचे मोठे नुकसान झाले आहे. एवढेच नाही तर आता आयसीसीने भारतालाही अजून एक मोठा धक्का दिला आहे. आयसीसीने भारतीय दिग्गज वेगवान गोलंदाज जसप्रीत बुमराहवर कारवाई केली आहे.
बुमराहला इंग्लंडविरुद्धच्या पहिल्या कसोटीदरम्यान आयसीसीच्या आचारसंहितेचे उल्लंघन केल्याप्रकरणी दोषी ठरवण्यात आले आहे. आंतरराष्ट्रीय सामन्यात कोणताही खेळाडू, पंच, सामनाधिकारी किंवा इतर कोणत्याही अधिकारी किंवा व्यक्तीला शारीरिक धक्का लागू नये. याव्यतिरिक्त, बुमराहच्या शिस्तभंगाच्या रेकॉर्डमध्ये एक डिमेरिट पॉइंट जोडला गेला आहे, ज्यांच्यासाठी 24 महिन्यांच्या कालावधीत हा पहिला गुन्हा होता.
बुमराहकडून चुक कधी झाली तर, ही घटना इंग्लंडच्या दुसऱ्या डावातील 81 व्या षटकात घडली. बुमराह जाणूनबुजून ओली पोपच्या मध्ये आला होता. बुमराहच्या कृतीमुळे अयोग्य शारीरिक संपर्क झाला.
काय घडलं मॅचमध्ये?
हैदराबादच्या राजीव गांधी स्टेडियमवर इंग्लंडने नाणेफेक जिंकून प्रथम फलंदाजी करण्याचा निर्णय घेतला आणि पहिल्या डावात 246 धावा केल्या. प्रत्युत्तरात भारताने 436 धावा केल्या आणि 190 धावांची आघाडी घेतली. दुसऱ्या डावात इंग्लंडने 420 धावा केल्या आणि भारतासमोर 231 धावांचे लक्ष्य ठेवले. प्रत्युत्तरात टीम इंडिया 202 धावांवर ऑलआऊट झाला आणि भारत हारला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.