IND vs BAN Test Squad : एकदिवसीय मालिकेनंतर भारतीय संघ बांगलादेशविरुद्ध 1 सामन्यांची कसोटी मालिका खेळणार आहे. ही मालिका 14 डिसेंबरपासून सुरू होणार आहे. भारतीय संघाचा अनुभवी वेगवान गोलंदाज मोहम्मद शमी दुखापतीमुळे या मालिकेतून बाहेर पडला आहे. त्याच्या जागी 12 वर्षांनंतर घातक गोलंदाजाची संघात एंट्री होत आहे. वृत्तानुसार, विजय हजारे ट्रॉफीमध्ये नुकताच सौराष्ट्रला चॅम्पियन बनवणारा खेळाडू जयदेव उनाडकटचा त्याच्या जागी समावेश करण्यात येणार आहे.

क्रिकबझच्या वृत्तानुसार, जयदेव उनाडकटच्या जागी मोहम्मद शमीची वर्णी लागणार आहे. जयदेव उनाडकटने भारतासाठी 1 कसोटी, 7 एकदिवसीय आणि 10 टी-20 सामने खेळले आहेत. यादरम्यान त्याला कसोटीत एकही विकेट घेता आली नाही. त्याने एकदिवसीय सामन्यात 8 आणि टी-20 आंतरराष्ट्रीय सामन्यात 14 विकेट घेतल्या आहेत.

उनाडकटने भारताकडून दक्षिण आफ्रिकेविरुद्ध कसोटी पदार्पण केले. त्यानंतर तो एकही कसोटी खेळू शकला नाही. 2010 मध्ये तो दक्षिण आफ्रिकेच्या दौऱ्यावर गेला होता. त्याने 1 डावात 26 षटके टाकली. मात्र 1 विकेटही काढता आली नाही.

उनाडकट हा विजय हजारे ट्रॉफी 2022 मध्ये सौराष्ट्र संघाचा कर्णधार होता. या स्पर्धेत त्याने 10 सामन्यांत एकूण 19 बळी घेतल्या. त्याच्या नेतृत्वाखाली 14 वर्षांनंतर सौराष्ट्र चॅम्पियन झाला. भारतीय देशांतर्गत क्रिकेटमधील सर्वात यशस्वी वेगवान गोलंदाजांपैकी एक आहे. उनाडकटने त्याच्या 96 सामन्यांच्या कारकिर्दीत 353 बळी घेतल्या आहेत. ज्यामध्ये रणजी ट्रॉफीच्या 2019-20 च्या विक्रमी हंगामाचाही समावेश आहे. ज्यामध्ये त्याने 67 विकेट्स आपल्या नावावर केल्या.