नवी दिल्ली : क्रिकेटजगात सर्वोत्तम क्षेत्ररक्षक म्हणून ओळख असलेला दक्षिण आफ्रिकेच्या जाँटी ऱ्होड्सने भारतीय क्रिकेट संघाच्या क्षेत्ररक्षण प्रशिक्षकपदासाठी बीसीसीआयकडे अर्ज दाखल केला आहे. 

त्यांची जगातील सर्वोत्तम क्षेत्ररक्षक म्हणून ख्याती आहे. त्याने दक्षिण आफ्रिकेसाटी उल्लेखनीय कामगिरी केली आहे. याचशिवाय त्याने आयपीएलमध्ये मुंबई इंडियन्ससाठी क्षेत्ररक्षक प्रशिक्षक म्हणून महत्वाची भूमिका बजावली होती.

सध्या भारताच्या क्षेत्ररक्षक प्रशिक्षकपदी आर श्रीधर आहेत. वेस्ट इंडीजविरुद्धच्या मालिकेनंतर त्यांचा कार्यकाळ संपणार आहे. भारताचा नवा प्रशिक्षक कोण असेल याचा निर्णय कपिल देव यांच्या नेतृत्वाखालील त्रिसदस्यीय सल्लागार समिती घेणार आहे. भारतीय संघाचा नवीन प्रशिक्षक 15 सप्टेंबर पासून सुरू होणाऱ्या दक्षिण आफ्रिका मालिकापूर्वी घोषित करण्यात येईल.

भारतीय संघाच्या व्यवस्थापनासाठी खालील सात जागांची नियुक्ती होणार आहे. 
1) मुख्य प्रशिक्षक
2) फलंदाजीचे प्रशिक्षक
3) गोलंदाजी प्रशिक्षक
4) क्षेत्ररक्षक प्रशिक्षक
5) फिजिओथेरपिस्ट
6) स्ट्रेंथ आणि कंडिशनिंग प्रशिक्षक
7) प्रशासकीय व्यवस्थापक