मेलबर्न : ऑस्ट्रेलियाने अ‍ॅशेस मालिकेतील (Ashes Test ) पहिली गाबा कसोटी (Gabba Test) जिंकून मालिकेची विजयी सुरुवात केली आहे. दुसरी कसोटी अ‍ॅडलेड (Adelaide) येथे होणार असून ही कसोटी दिवस रात्र कसोटी (Day Night Test) असणार आहे. मात्र या कसोटीपूर्वीच ऑस्ट्रेलियाला (Australia) मोठा धक्का बसला आहे. त्यांचा अव्वल गोलंजा जॉश हेजलवूड (Josh Hazlewood) दुखापतग्रस्त झाला आहे. त्यामुळे तो अॅडलेड कसोटीला मुकणार आहे.

गुरुवापासून सुरु होणाऱ्या दुसऱ्या अ‍ॅशेस कसोटीसाठी (2nd Ashes Test) ऑस्ट्रेलिया संघ सज्ज होत आहे. त्यांनी गाबा कसोटी (Gabba Test) ९ विकेट्स राखून जिंकल्याने त्यांचा आत्मविश्वास चांगलाच दुणावला होता. आता अ‍ॅडलेडवरील गुलाबी चेंडूवरील (Pnik Ball Cricket) कसोटी जिंकून अ‍ॅशेस मालिकेतील आघाडी वाढवण्याच्या मनसुब्यात ऑस्ट्रेलिया होती. मात्र त्यांना सामन्यापूर्वीच एक धक्का बसला. जॉश हेजवलूड (Josh Hazlewood) हा गाबा कसोटीतच जायबंदी झाला होता. आता तो अ‍ॅडलेड कसोटी खेळू शकणार नाही याच्यावर शिक्कामोर्तब झाले आहे.

ऑस्ट्रेलियाने अ‍ॅडलेड कसोटीसाठी आज आपल्या १४ सदसीय संघाची घोषणा केली. ऑस्ट्रेलियाने अ‍ॅडलेड कसोटीसाठी (Adelaide Test) आपल्या संघात वेगवान गोलंदाज मायकेल नेसेर (Michael Neser) आणि जे रिचर्डसनचा (Jhye Richardson) समावेश केला आहे. तर लेग स्पिनर मिशेल स्वेपसन (Mitchell Swepson) याचाही संघात समावेश करण्यात आला आहे.

निवडसमिती आणि क्रिकेट ऑस्ट्रेलियाने मेलबर्न आणि सिडनी कसोटीसाठीच्या संघाची घोषणा हीअ‍ॅडलेड कसोटीनंतर करण्यात येणार असे सांगितले.