Kane Williamson fractures left thumb : 2023च्या वर्ल्ड कप स्पर्धेत न्यूझीलंड संघाची कामगिरी उत्कृष्ट राहिली आहे. त्याने आतापर्यंत तीन सामने खेळले आहेत आणि तिन्ही जिंकले आहेत. पण 18 ऑक्टोबर रोजी अफगाणिस्तानविरुद्धच्या चौथ्या सामन्यापूर्वी संघाला मोठा धक्का बसला आहे. नुकताच दुखापतीतून परतलेला कर्णधार केन विल्यमसन पुन्हा दुखापतग्रस्त झाला आहे. आता तो जवळपास महिनाभर संघाबाहेर आहे.

बांगलादेशविरुद्ध शुक्रवारी 2023 च्या वर्ल्ड कपमधील विल्यमसनचा पहिला सामना होता. त्या सामन्यात त्याने 107 चेंडूत 78 धावांची खेळी खेळली होती. पण त्या सामन्यात विल्यमसनच्या अंगठ्याला दुखापत झाली होती.

न्यूझीलंड क्रिकेटने शनिवारी याची पुष्टी करत पोस्टमध्ये लिहिली की, एक्स-रेने केन विल्यमसनच्या डाव्या हाताच्या अंगठ्यामध्ये फ्रॅक्चर झाल्याची पुष्टी केली आहे. पुढील महिन्यात होणाऱ्या पूल लेग सामन्यांच्या अंतिम फेरीसाठी उपलब्ध राहण्याच्या उद्देशाने तो वर्ल्डकप संघात कायम राहील.

प्रशिक्षक गॅरी स्टेड यांना आशा आहे की विल्यमसन तंदुरुस्त होईल आणि राऊंड रॉबिन टप्प्यातील शेवटचे काही सामने खेळेल. न्यूझीलंडचा पुढचा सामना बुधवारी चेन्नईत अफगाणिस्तानशी होणार आहे.

या वर्षी मार्चमध्ये आयपीएलदरम्यान विल्यमसनलाही दुखापत झाली होती. गुजरात टायटन्सकडून खेळताना विल्यमसनचा खांदा मोडला होता. यानंतर त्याला सावरायला आठ महिने लागले. या वर्ल्ड कपमध्ये त्याने पुनरागमन केले आणि आता त्याला पुन्हा दुखापत झाली आहे. न्यूझीलंडने पहिल्या सामन्यात इंग्लंडचा नऊ गडी राखून, दुसऱ्या सामन्यात नेदरलँडचा 99 धावांनी तर तिसऱ्या सामन्यात बांगलादेशचा आठ विकेट राखून पराभव केला.