Paris Olympics 2024 Kiran Pahal : किरण पहल ही 400 मीटर धावण्याच्या स्पर्धेत भारताची सर्वात वेगवान महिलापटूंपैकी एक ठरली आहे. 24 वर्षाच्या किरणने राष्ट्रीय आंतरराज्यीय स्पर्धेत रेकॉर्ड ब्रेक कामगिरी केली आहे. पंचकुला येथे झालेल्या स्पर्धेत तिने 400 मिटर धावण्याची स्पर्धा 50.92 सेकंदात पूर्ण केली.

भारताच्या हिमा दासने 400 मीटर धावण्याच्या स्पर्धेत 50.79 सेकंद वेळ नोंदवली होती. आता किरण भारतीची दुसऱ्या क्रमांकाची धावपटू ठरली आहे. या कामगिरीमुळे किरण ही पॅरिस ऑलिम्पिक स्पर्धेसाठी पात्र झाली आहे. या पात्रतेसाठी तुम्हाला 400 मीटर धावण्याची स्पर्धा ही 50.95 सेकंदात पूर्ण करावी लागते.

अशी कामगिरी करणारी ठरली दुसरी महिला

हिमा दासनंतर, किरण पहल 400 मीटरमध्ये 51 सेकंदापेक्षा कमी वेळ नोंदावणारी दुसरी भारतीय महिला ठरली आहे. तिने आपल्या सहकारी स्पर्धकांना धूळ चारत विक्रमी वेळ नोंदवली. गुजरातची देवी अनिबा ५३.४४ सेकंद वेळेसह दुसरी आली. दुसरीकडे, केरळची स्नेहा के ५३.५१ सेकंद वेळेसह तिसरी आली.