KL Rahul-Athiya Shetty Marriage Date : स्टार फलंदाज केएल राहुलला टी-20 वर्ल्ड कप-2022 नंतर न्यूझीलंडविरुद्धच्या टी-20 आणि एकदिवसीय मालिकेतून त्याला विश्रांती देण्यात आली होती. आता त्यांच्या लग्नाच्या अनेक बातम्या येत आहेत. एका मीडिया रिपोर्टमध्ये असे म्हटले आहे की लग्नामुळे केएल राहुल पुढील वर्षी श्रीलंकेविरुद्धच्या देशांतर्गत क्रिकेट मालिकेचा भाग असणार नाही.

टीम इंडियाचा उपकर्णधार केएल राहुल घरच्या मैदानावर श्रीलंकेविरुद्धच्या तीन सामन्यांच्या टी-20 आणि एकदिवसीय मालिकेत खेळू शकणार नाही. बांगलादेशविरुद्धच्या कसोटी मालिकेनंतर राहुलने बीसीसीआयकडे 'मिनी ब्रेक' मागितल्याचे एका वृत्तात म्हटले आहे. InsideSport च्या रिपोर्टनुसार, KL राहुल जानेवारी-2023 च्या पहिल्या आठवड्यात अथिया शेट्टीशी लग्न करणार आहे. अथिया ही बॉलिवूड अभिनेता सुनील शेट्टीची मुलगी आहे.

बीसीसीआयच्या एका अधिकाऱ्यानेही राहुलने ब्रेक मागितल्याच्या वृत्ताला दुजोरा दिला आहे. अधिकाऱ्याने सांगितले, केएलने काही वैयक्तिक कामासाठी वेळ मागितला आहे. त्यामुळेच तो न्यूझीलंडमध्ये खेळला नाही. दुखापतीची चिंता नाही. त्याच्या काही कौटुंबिक बांधिलकी आहेत. त्याने आम्हाला बांगलादेशविरुद्धच्या कसोटी मालिकेनंतर ब्रेक मागितला आहे.

बांगलादेशविरुद्धच्या कसोटी मालिकेनंतर पुन्हा एकदा नियमित कर्णधार आणि सलामीवीर रोहित शर्मालाही टी-20 मालिकेतून विश्रांती मिळण्याची शक्यता आहे. अशा परिस्थितीत हार्दिक पांड्या टी-20 मालिकेत टीम इंडियाचे कर्णधारपद सांभाळणार आहे. श्रीलंकेविरुद्धच्या मालिकेचे वेळापत्रक अद्याप जाहीर झालेले नाही. ही मालिका जानेवारीच्या पहिल्या आठवड्यात होण्याची शक्यता आहे.