IND vs WI: भारत आणि वेस्ट इंडीज यांच्यातील दुसऱ्या वनडे सामन्यात केएल राहुल (KL Rahul) आपला सहकारी सुर्यकुमार (Suryakumar Yadav) यादववर भडकल्याचे दिसले. भारतीय संघाने या सामन्यात अवघ्या 43 धावांत आघाडीचे तीन फलंदाज गमावले होते. भारतीय संघ संकटात असताना राहुल आणि सुर्यानं चौथ्या विकेटसाठी 107 चेंडूत 91 धावांची भागीदारी करुन डाव सावरला.
संघाचा डाव सावरल्यानंतर दोघांच्यात गोंधळ उडाला. भारतीय डावातील 30 व्या षटकात लोकेश राहुलनं (KL Rahul) फटका मारला आणि धाव घेण्यासाठी क्रीज सोडले. दोघांनी पहिली धाव वेगानं पूर्णही कली. सुर्यकुमार यादव (Suryakumar Yadav) दुसरी धाव घेण्यासाठी पुन्हा मागे फिरला. लोकेश राहुलनेही त्याला होकार दिला. पण नंतर आपण दुसऱ्या धावेसाठी गडबड केल्याचे त्याला वाटले. तो थोडा थांबला आणि पुन्हा पळाला. यात त्याने विकेट गमावली. सुर्यकुमार यादवने त्याला धाव घेण्यासाठी प्रवृत्त केले होते. त्यामुळे तो त्याच्या संतापल्याचे दिसले. सुर्याही यावेळी थोडा निराश झाल्याचे पाहायला मिळाले.
पहिल्या सामन्याला मुकलेल्या लोकेश राहुलनं दमदार कमबॅक केलं. त्याने 48 चेंडूत 49 धावांची खेळी केली. आपल्या या खेळीत त्याने 4 चौकार आणि 2 गगनचुंबी षटकार खेचले. 48 धावांवर असताना दोन धावा घेताना त्याचे अर्धशतक अवघ्या 1 धावेनं हुकलं. वनडेत 49 धावांवर बाद होणारा भारताचा तो पाचवा फलंदाज ठरला. या आधी रवी शास्त्री ऑस्ट्रेलिया विरुद्धच्या सामन्यात, दिनेश मोंगिया इंग्लंडविरुद्ध, मोहम्मद कैफ बांगलादेशविरुद्द तर राहुल द्रविड वेस्ट इंडीज विरुद्ध 49 धावांवर रन आउट झाले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.