कोल्हापूर : जगातील सर्वोच्च माउंट एव्हरेस्ट शिखरावर आज करवीरकन्या कस्तुरी सावेकर हिने भारताचा तिरंगा फडकवला. तिने आज सकाळी सहाच्या सुमारास ही मोहीम फत्ते केली. एव्हरेस्ट सर करणारी कस्तुरी दक्षिण महाराष्ट्रातील पहिलीच मुलगी ठरल्याची माहिती शनिवारी करवीर हायकर्सचे सिद्धार्थ पंडित, कस्तुरीचे वडील दीपक सावेकर यांनी पत्रकार परिषदेत दिली.

दरम्यान, कस्तुरी दोन दिवसांत बेसकॅम्पला येईल आणि त्यानंतर मेअखेरीस तिचे कोल्हापुरात आगमन होईल. गेल्या वर्षी एव्हरेस्ट मोहिमेवर गेलेल्या कस्तुरीला खराब हवामानामुळे अगदी काही अंतरावरून खाली यावे लागले होते. मात्र, त्यामुळे न खचता तिने पुन्हा तयारी केली आणि २४ मार्चला माउंट एव्हरेस्ट मोहिमेसाठी ती रवाना झाली होती.