टीम इंडियाचा बॅटसमन कृणाल पांड्याच्या घरी नव्या पाहुण्याचे आगमन झाले आहे. त्याने ही माहिती सोशल मीडियावर पोस्ट करत दिली आहे. त्याची ही गुड न्यूज व्हायरल होताच सोशल मीडियावरुन पांड्या कुटूंबावर शुभेच्छांचा वर्षाव होत आहे.

कृणालची बायको पंखुरी शर्माने एका गोंडस बाळाला जन्म दिला आहे. यामुळे टीम इंडियाचा ऑलराऊंडर हार्दिक पांड्या काका बनला आहे. या संदर्भात त्याने सोशल मीडियावर फोटो पोस्ट करत माहिती दिली आहे. तसेच या चिमुकल्याचे नावही जाहीर करण्यात आले आहे.

आपण वडील बनले असल्याचे सांगत आपल्या चिमुकल्याचे नाव , "कवीर क्रुणाल पांड्या" असे जाहीर केले. यासोबतच त्याने आपल्या चिमुकल्यासह पत्नीसोबतचा फोटो शेअर केला आहे.

क्रुणाल पांड्या आणि मॉडेल पंखुरी शर्मा यांनी २७ डिसेंबर २०१७ रोजी लग्न केले होते. जवळपास पाच वर्षांच्या लग्नानंतर ते आई वडील बनले आहेत. विशेष म्हणजे, पंखुरीला क्रिकेट पाहणे आवडत नाही. मात्र ती, कृणाल पांड्याचे सर्व सामने पाहते.

क्रुणाल पांड्याने 2018 मध्ये T20 आंतरराष्ट्रीय क्रिकेटमध्ये पदार्पण केले. त्यानंतर त्याने 19 टी-20 आणि 5 एकदिवसीय सामने खेळले आहेत.