LSG Jersey Launch : केएल राहुलच्या नेतृत्वात खेळणाऱ्या लखनौ सुपर जायंट्सने आयपीएल 2023 च्या हंगामासाठी आपल्या नव्या कोऱ्या जर्सीचे अनावर केले. बीसीसीआयचे सचिव जय शहा यांच्या हस्ते लखनौ सुपर जायंट्सच्या नव्या जर्सीचे अनावरण करण्यात आले. यावेळी संघाचा कर्णधार केएल राहुलसह दीपक हुड्डा आणि जयदेव उनाडकट हे देखील उपस्थित होते. विशेष म्हणजे चाहत्यांना लखनौची जर्सी ही डेक्कन चार्जर्सच्या जर्सीसारखीच वाटत आहे.
लखनौ सुपर जायंट्सची नव्या जर्सीचे अनावरण होताच ती सगळीकडे व्हायरल देखील झाली. यानंतर या जर्सीवर फॅन्सच्या कमेंट यायला लागल्या. अनेक चाहत्यांनी नारंगी आणि आकाशी रंगाचा वापर करण्यास सांगितले तर एका चाहत्यांना पांढरा आणि निळा रंग हे दोन चांगले पर्याय असल्याचे सांगितले. तर एका चाहत्यांना तुमच्या जर्सीत काळ्या रंगाचा वापर करण्याचाही सल्ला दिला. लखनौने पारंपरिक निळा रंग आणि त्यात साईड पॅनलला लाल रंगाच्या छटा वापरल्या आहेत.
लखनौ सुपर जायंट्स आपला पहिला हंगाम 2022 मध्ये खेळला होता. पहिल्याच हंगामात केएल राहुलच्या नेतृत्वात लखनौ सुपर जायंट्सने तिसरे स्थान पटकावले. त्यांनी 17 सामन्यांपैकी 9 सामने जिंकले होते. 2023 मध्ये देखील लखनौ अशीच कामगिरी करण्यासाठी उत्सुक असेल.
केएल राहुलने आपली कसोटी आणि टी 20 संघातील जागा गमावली असून त्याला यंदाच्या हंगामात चांगली कामगिरी करावी लागणार आहे. राहुलने 2022 च्या हंगामात 600 पेक्षा जास्त धावा ठोकल्या होत्या. आता अशाच प्रकारची कामगिरी त्याला पुन्हा करावी लागणार आहे.
हेही वाचा : परदेशातही वापरता येणार युपीआय सुविधा...वाचा सविस्तर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.