पुणे : राज्यातील मानाची आणि लोकप्रिय महाराष्ट्र कुस्ती स्पर्धा साताऱ्यात पार पडणार आहे. 64 व्या महाराष्ट्र केसरी कुस्ती (Maharashtra Kesari) स्पर्धेचे वेळापत्रक जाहीर करण्यात आले झाले आहे. 5 एप्रिल ते 9 एप्रिल दरम्यान कुस्तीचा आखाडा रंगणार आहे. कोरोनाच्या पार्श्वभूमीवर कुस्तीगीर परिषदेनं विशेष नियमावलीही जाहीर केली आहे. 5 तारखेला मोठ्या थाटामाटात या स्पर्धेचं उद्घाटन सोहळा पार पडणार आहे. कोरोनाच्या संकटामुळे मागील दोन वर्षे ही स्पर्धा झाली नव्हती. त्यामुळे यंदाच्या महाराष्ट्र केसरी स्पर्धेकडे सर्वांच्या नजरा लागून होत्या.

महाराष्ट्र केसरीसाठीच्या सर्व लढती सातारा (satara) शहरातील छत्रपती शाहू जिल्हा क्रीडा संकूलात खेळवण्यात येणार आहेत. ऑलिंपिक स्पर्धेत देशाला पहिले कास्य पदक मिळवून देणा-या ऑलिंपिकवीर खाशाबा जाधव यांच्या भूमीत मानाची गदा उंचवण्यासाठी चांगलीच चूरस पाहायला मिळाले. यात बाजी कोण मारणार? हे पाहणे महत्त्वाचे ठरेल.

कै.मामासाहेब मोहोळ कुस्ती केंद्रात राज्य कुस्तीगीर परिषदेची कार्यकारणी सभा 10 तारखेला पार पडली. या बैठकीतच 64 वी वरिष्ठ गट गादी आणि माती राज्यस्तरीय अजिंक्यपद कुस्ती स्पर्धेसह महाराष्ट्र केसरी 'किताब लढत' 5 ते 9 एप्रिलपर्यंत साता-यातील श्रीमंत छत्रपती शाहू जिल्हा क्रीडा संकुलात घेण्याचे निश्चित करण्यात आले होते.