क्रीडा क्षेत्रातील उल्लेखनिय कामगिरी करणाऱ्या 12 खेळाडूंना देशातील सर्वोच्च क्रीडा पुरस्काराने सन्मानित करण्यात येणार आहे. एएनआयच्या वृत्तानुसार, मेजर ध्यानचंद खेलरत्न पुरस्कारासाठी 12 खेळाडूंची नावे पक्की करण्यात आली आहेत. यात टोकियो ऑलिम्पिक स्पर्धेत ऐतिहासिक कामगिरीसह सुवर्ण पदक पटकवलेल्या नीरज चोप्रासह ऑलिम्पिक रौप्य पदक विजेती महिला बॉक्सर लोवलिना बोर्गोहिन, कुस्तीपटू रवी दाहिया आणि भारतीय पुरुष हॉकी संघाचा गोलकिपर पीआर श्रीजेश या खेळाडूंचा समावेश आहे. 13 नोव्हेंबरला दिल्लीमध्ये या खेळाडूंना खेलरत्न पुरस्काराने सन्मानित करण्यात यणार आहे.

टोकियोतील पॅरालिम्पिक स्पर्धेत देशाला पदक मिळवून देणाऱ्या अवनी लेखारा, सुमित अंतिल, प्रमोद भगत, कृष्णा नागर, मनिष नरवाल यांचाही यात समावेश आहे. टोकिया ऑलिम्पिक स्पर्धेत भारतीय हॉकी संघाला कास्य पदक मिळवून देण्यात महत्त्वाची भूमिका पार पाडणाऱ्या श्रीजेशसह मनप्रित सिंग याचाही यात समावेश आहे. क्रिकेटमधून मिताली राज आणि फुटबॉल जगतातून सुनील छेत्री यांचीही खेलरत्न पुरस्कारासाठी शिफारस करण्यात आली होती. त्यांच्या नावावर शिक्कामोर्तब झाला आहे.