T20 Cricket Record : मलेशिया हा क्रिकेट जगतात तसा नवखा संघ आहे. या संघातील खेळाडूंची नावे क्वचितच माहिती होतात. मात्र मलेशियन संघातील वेगवान गोलंदाज सयाझरूल इद्रुस (Syazrul Idrus) हे नाव आता कोणी विसरू शकणार नाही. कारण या पठ्ठ्याने टी 20 क्रिकेटमध्ये एक मोठा इतिहास रचला. यापूर्वी भल्या भल्या टी 20 स्टार क्रिकेटपटूंना जे जमलं नाही ते या मलेशियाच्या वेगवान गोलंदाजाने करून दाखवलं.

इद्रुस हा आंतरराष्ट्रीय टी 20 पुरूष क्रिकेट सामन्यामध्ये 7 विकेट्स घेणारा पहिला गोलंदाज ठरला आहे. त्याने चीनविरूद्धच्या सामन्यात 8 धावात 7 विकेट्स घेण्याचा मोठा कारनामा केला. टी 20 वर्ल्डकप आशिया बी पात्रता फेरीतील सामन्यात इद्रुसच्या या भन्नाट कामगिरीच्या जोरावर मलेशियाने चीनवर आठ विकेट्सनी दमदार विजय मिळवला.

मलेशियाचा 32 वर्षाचा इद्रुस हा आतापर्यंत 22 टी 20 सामने खेळला आहे. त्याने टी 20 क्रिकेट सामन्यात सर्वाधिक विकेट घेण्याचा पीटर अहोचा विक्रम मोडला. पीटरने 5 धावात 6 विकेट्स घेतल्या होत्या. टी 20 क्रिकेट इतिहासात एका सामन्यात सर्वाधिक विकेट्स घेणाऱ्या गोलंदाजांच्या यादीत भारताचा दीपक चाहर (Deepak Chahar) हा तिसऱ्या स्थानावर आहे. (T20 World Cup Asia B Qualifier)

त्याने बांगलादेशविरूद्ध 2019 मध्ये 7 धावात 6 बळी घेतले होते. तर झिम्बाब्वेचा दिनेश नाकरानी 7 धावात 6 विकेट्स घेत तिसऱ्या स्थानावर आहे. पाचव्या स्थानावर श्रीलंकेचा फिरकीपटू अजंता मेंडिस आहे. त्याने 2012 मध्ये झिम्बाब्वेविरूद्ध 8 धावात 6 विकेट्स घेतल्या आहेत.

सामन्याबद्दल बोलायचं झालं तर मलेशिया आणि चीनच्या सामन्यात प्रथम फलंदाजी करणारा चीनचा संघ 11.2 षटकात 23 धावातच गुंडाळला गेला. त्यांच्या एकाही फलंदाजाला दुहेरी आकडा गाठता आला. इद्रुसच्या गोलंदाजीची दहशत इतकी होती की चीनच्या सगळ्या फलंदाजांनी नांगी टाकली. सलामीवीर वेई गुओ लेईने सर्वाधिक 7 धावा केल्या.

(Sports Latest News)