Manika Batra : भारताची स्टार महिला टेबल टेनिसपटू मनिका बात्राने इतिहास रचला. तिने ITTF-ATTU आशिया कप स्पर्धेत कांस्य पदकाची कमाई केली. आता मनिका बात्रा ही आशिया कप टेबल टेनिसस्पर्धेत पदक जिंकणारी पहिली भारतीय महिला टेबलटेनिसपूट झाली आहे. तिने कांस्य पदकाच्या लढतीत तीन वेळच्या आशिया कप विजेत्या आणि जागतिक क्रमवारीत सहाव्या स्थानावर असलेल्या हिना हायाताचा 4-2 असा पराभव केला.

मनिका बात्राने हिनाचा 11-6, 6-11, 11-7, 12-10, 4-11, 11-2 असा पराभव केला. यापूर्वी मनिकाला सेमी फायनलमध्ये 2 - 4 असा पराभव सहन करावा लागला होता. त्यानंतर तिने कांस्य पदकाच्या सामन्यात विजय मिळवत इतिहास रचला. मनिका बात्राने जागतिक क्रमवारीत सातव्या स्थानावर असलेल्या चीनच्या चानचा पहिल्याच फेरीत पराभव केला होता. आशिया कप 2022 ही स्पर्धा थायलंडमध्ये आयोजित करण्यात आली होती.