बँकॉक : भारताची अव्वल महिला टेबल टेनिस खेळाडू मनिका बत्रा हिने बँकॉकमध्ये सुरू असणाऱ्या आशियाई टेबल टेनिस करंडकामध्ये ब्राँझपदक जिंकून ऐतिहासिक कामगिरी केली आहे. ती या स्पर्धेत पदक जिंकणारी भारताची पहिली महिला खेळाडू ठरली आहे. शनिवारी झालेल्या ब्राँझ पदकाच्या सामन्यात मनिकाने जागतिक क्रमवारीत सहाव्या क्रमांकावर असणाऱ्या आणि तीन वेळच्या आशियाई विजेत्या जपानच्या हिना हयाटाचा ४-२ असा पराभव केला. मनिकाने हयाटावर सामन्यात ११-६, ६-११, ११-७, १२-१०, ४-११ आणि ११-२ असे वर्चस्व राखले.
उपांत्य फेरीच्या सामन्यात मनिकाला जपानच्याच मिमा इटोकडून ८-११, ११-७, ७-११, ६-११, ११-८, ७-११ असे पराभूत व्हावे लागले होते. त्यामुळे तिला ब्राँझपदकाची लढत खेळावी लागली. या स्पर्धेतील पहिल्या सामन्यात मनिकाने चीनच्या शेन शिंगटाँगचा ८-११, ११-९, ११-६, ११-६, ९-११, ८-११, ११-९ असा पराभव केला होता. या विजयानंतर उपांत्यपूर्व फेरीच्या चुरशीच्या सामन्यात तिने तैवानच्या चेन झ्यू यूचा ६-११, ११-६, ११-५, ११-७, ८-११, ९-११, ११-९ असा पराभव केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.