विशाखापट्टणम : भारत आणि दक्षिण आफ्रिका यांच्यात सुरु असलेल्या पहिल्या कसोटी सामन्यात भारताच्या सलामीच्या जोडीने धावांचा पाऊस पाडला. रोहित शर्माने आक्रमक पवित्रा घेत सामन्याच्या पहिल्या दिवशीच शतक साजरे केले. त्यानंतर आज मयांक अगरवालनेही त्याचे शतक पूर्ण केले. 

दुसऱ्या दिवसाच्या खेळाला सुरवात होताच पहिल्या अर्ध्या तासातच मयांकने कसोटी क्रिकेटमधील आपले पहिले शतक पूर्ण केले. 

मयांकने 13 चौकार आणि दोन षटकार मारत 204 चेंडूमध्ये शतक पूर्ण केले. रोहित आणि मयांक यांच्या शतकामुळे भारताने 220 पार जात भक्कम धावसंख्या उभारली आहे.