Mitchell Marsh COVID-19 : ऑस्ट्रेलिया आणि दक्षिण आफ्रिका यांच्यातील टी 20 मालिका शुक्रवारपासून सुरू होत आहे. मात्र पहिल्या सामन्यापूर्वीच मिचेल मार्शला कोरोनाची लागण झाली आहे. तो संघापासून दूर झाला आहे. असं असलं तरी मिचेल मार्श सामना खेळणार आहे. डेली मेलने दिलेल्या बातमीनुसार मार्शला कोरनाची लागण झाली आहे. मात्र तो क्रिकेट ऑस्ट्रेलियाचा प्रोटोकॉल फॉलो करत सामना खेळणार आहे. यात ड्रेसिंग रूमच्या बाहेर थांबणं अन् मैदानावर खेळाडूंशी अंतर राखून ठेवणं याचा समावेश आहे.

ऑस्ट्रेलियाचा खेळाडू कोरोना पॉझिटिव्ह होण्याची ही तिसरी वेळ आहे. यापूर्वी जॉश इंग्लिस आणि कॅमरून ग्रीन यांना कोरोनाची लागण झाली होती. मात्र तरी देखील त्यांचा संघात समावेश होता. दोन्ही खेळाडू राष्ट्रगीत सुरू असताना संघापासून दूर उभे होते. ग्रीन कोरोना पॉझिटिव्ह असतानाही विंडीजविरूद्ध गाबा कसोटीत खेळला अन् विकेटचा जल्लोष करत असताना संघापासून दूर राहिला.

ऑस्ट्रेलियाच्या संघातील खेळाडू सातत्याने कोरोना पॉझिटिव्ह होत आहेत. ऑस्ट्रेलिया आणि वेस्ट इंडीज यांच्यातील तीन टी 20 सामन्यांची मालिका 9 फेब्रुवारीपासून सुरू होत आहे. ही मालिका ऑस्ट्रेलियात होत आहे.

ऑस्ट्रेलियाचा कर्णधार मिचेल मार्श हा ऑस्ट्रेलियाकडून 2011 पासून खेळतोय. त्याने 49 टी 20, 89 वनडे आणि 40 कसोटी सामने खेळले आहेत. त्याने टी 20 मध्ये 1272, वनडेत 2672 आणि कसोटीत 1890 धावा केल्या आहेत. मार्शने टी 20 क्रिकेटमध्ये यापूर्वीही कर्णधारपद भूषवले आहे. आगामी टी 20 वर्ल्डकपमध्ये देखील तो ऑस्ट्रेलियाचे नेतृत्व करू शकतो.

(Sports Latest News)