बांगलादेश दौऱ्यावर असलेल्या तीन सामन्यांच्या वनडे मालिकेपूर्वी भारतीय संघाला मोठा धक्का बसला आहे. अनुभवी वेगवान गोलंदाज मोहम्मद शमी दुखापतीमुळे या वनडे मालिकेतून बाहेर पडला आहे. शमीवर सध्या रुग्णालयात उपचार सुरू आहेत. (Mohammed Shami injury hospital photo viral emotional post )

तीन सामन्यांच्या वनडे मालिकेसाठी मोहम्मद शमीच्या जागी उमरान मलिकला संधी दिली आहे. दरम्यान, शमीचे रुग्णालयातील काही फोटो सोशल मीडियावर व्हायरल होताना दिसत आहेत. शमीने स्वतःहून रुग्णालयातील फोटो शेअर करत भावून पोस्ट लिहिली आहे. जी सध्या व्हायरल होताना दिसत आहे.

32 वर्षीय मोहम्मद शमी ऑक्टोबर-नोव्हेंबरमध्ये ऑस्ट्रेलिया दौऱ्यावर टी-20 विश्वचषक खेळला होता. यानंतर शमी परतल्यावर सरावाच्या वेळीच दुखापत झाली. या दुखापतीमुळे तो बांगलादेशविरुद्धच्या वनडे मालिकेतून बाहेर पडला.

नुकतचं शमीने आपल्या इंस्टाग्रामवर काही फोटो शेअर केले आहेत. " दुखापत सर्वसाधारण आहे. प्रत्येक क्षणाचे कौतुक करायला शिकवते. माझ्या कारकिर्दीत मला अनेक दुखापती झाल्या आहेत. हे तुम्हाला एक दृष्टीकोन देते." तसेच, माझ्या कारकिर्दीत मी किती वेळा दुखावलो हे महत्त्वाचे नाही. मी प्रत्येक वेळी दुखापतींमधून शिकलो आहे. यासह जोरदार पुनरागमन केले आहे. अशा आशयाची भावनिक पोस्ट शमीने लिहिली आहे.

वेगवान गोलंदाज मोहम्मद शमी दुखापतीमुळे टीम इंडियातून बाहेर झाला आहे. तो यापुढे बांगलादेशविरुद्धच्या वनडे मालिकेत खेळू शकणार नाही. बांगलादेशमध्ये तीन वनडे मालिकेतील पहिला सामना रविवारी होणार आहे. वनडेनंतर टीम इंडियाला बांगलादेशविरुद्ध दोन कसोटी सामन्यांची मालिकाही खेळायची आहे.