Mohammed Shami IND vs NZ : भारत आणि न्यूझीलंड सामन्यात भारतीय संघात दोन बदल करण्यात आले. भारताचा अष्टपैलू खेळाडू हार्दिक पांड्या दुखापतग्रस्त झाल्याने भारताने त्याच्या जागी सूर्यकुमार यादव आणि शार्दुल ठाकूरच्या ऐवजी मोहम्मद शमीला संघात स्थान दिले.

मोहम्मद शमी हा यंदाच्या वर्ल्डकपमध्ये आपला पहिलाच सामना खेळत आहे. या सामन्यात त्याने पहिल्याच चेंडूवर विल यंगला बाद करत न्यूझीलंडला मोठा धक्का दिला. या विकेटसोबतच शमीने एक मोठा माईलस्टोन देखील पार केला आहे.

भारताकडून आयसीसी वर्ल्डकपमध्ये सर्वाधिक विकेट्स घेणाऱ्यांच्या यादीत मोहम्मद शमी आता तिसऱ्या स्थानावर पोहचला आहे. त्याने 12 डावात 32 विकेट्स घेतल्या आहेत. त्याने अनिल कुंबळेला (18 डावात 31 विकेट्स) मागे टाकले.

या यादीत दुसऱ्या स्थानावर 33 सामन्यात 44 विकेट्स घेणारा जवागल श्रीनाथ आहे. तर 23 सामन्यात 44 विकेट्स घेणारा जहीर खान अव्वल स्थानावर आहे.

धरमशाला स्टेडियमवरील न्यूझीलंडविरूद्धच्या सामन्यात रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. हा निर्णय मोहम्मद सिराजने सार्थ ठरवत फॉर्ममध्ये असलेल्या डेवॉन कॉनवे शुन्यावर बाद केले.

न्यूझीलंडची अवस्था 1 बाद 9 धावा अशी झाल्यानंतर रचिन रविंद्र - विल यंग यांनी डाव सावरण्याचा प्रयत्न केला. हा प्रयत्न हाणून पाडण्यासाठी रोहितने मोहम्मद शमीकडे चेंडू सोपलवा.

सामन्याने नववे अन् यंदाच्या वर्ल्डकपमधील आपले पहिले षटक टाकणाऱ्या मोहम्मद शमीने पहिल्याच चेंडूवर यंगचा 17 धावांवर त्रिफळा उडवला.

(Sports Latest News)