MS Dhoni Daughter Ziva : आयपीएलच्या इतिहासात सर्वात यशस्वी कर्णधारांपैकी एक महेंद्रसिंग धोनीने पुन्हा एकदा आपल्या चाहत्यांची मने जिंकली आहेत. तामिळनाडूतील ईरोड येथील एका हातमाग कारागिराने कपड्यांवर धोनी आणि त्याची मुलगी जीवा धोनी यांचे चित्र कोरले आहे. माहीला हे चित्र इतकं आवडलं की त्याने स्वतः ते विकत घेतलं. धोनीचा हा फोटो सध्या सोशल मीडियावर चांगलाच व्हायरल होत आहे.

केंद्रीय रेल्वे आणि वस्त्रोद्योग राज्यमंत्री दर्शना जरदोश यांनी धोनीचा हा फोटो सर्वप्रथम शेअर केली. सोशल मीडियावर शेअर केलेल्या या फोटोमध्ये मंत्री यांनी लिहिले की, श्री अप्पुसामी हा एक विणकर आहे. तो ईरोडमध्ये हातमागाचा स्टॉल चालवतो, आणि क्रिकेटचा पण मोठा चाहता आहे. कपड्यांवर आर्टवर्क करताना त्याने एमएस धोनी आणि त्याच्या मुलीचे एकत्र चित्र बनवले आहे. याची माहिती धोनीला कळताच तो स्वत: स्टॉलवर पोहोचला आणि फोटो काढला.

मंत्री जरदोश यांनी त्यांच्या अधिकृत ट्विटर अकाऊंटवरून चार फोटो शेअर केले आहेत. यापैकी एका फोटोत धोनी दिसत आहे, ज्यामध्ये त्याचा हातात कपड आहे, ज्याच्यावर झिवा धोनीचा फोटो कोरला गेला आहे. पांढऱ्या कपड्यावर निळ्या रंगात हे चित्र काढण्यात आले आहे. याशिवाय हातमाग स्टॉल आणि श्री अप्पुसामी हे तीन फोटोमध्ये दाखवले आहेत.