भारतीय क्रिकेट संघाचा माजी कर्णधार महेंद्रसिंग धोनी सध्या इंग्लंडमध्ये आहे. धोनी पत्नी साक्षी आणि मुलगी झिवासोबत इंग्लंडला लग्नाचा वाढदिवस आणि त्यांचा वाढदिवस साजरा केला. महेंद्रसिंग धोनी मात्र रोज इंग्लंडमध्ये वेगवेगळ्या ठिकाणी फिरायला जायचा. माजी महान यष्टीरक्षक फलंदाज शनिवारी 9 जुलैला बर्मिंगहॅमला ही पोहोचला. (MS Dhoni pays visit to India team at Edgbaston End vs Ind)

भारत आणि इंग्लंड यांच्यात तीन सामन्यांच्या टी-20 मालिकेतील दुसरा सामना एजबॅस्टन बर्मिंगहॅम येथे खेळल्या गेला. भारतीय संघाची कमान सांभाळल्यानंतर रोहित शर्मा एकामागून एक मालिका जिंकत आहे. एजबॅस्टन टी-20 सामन्यात भारताने इंग्लंडवर 49 धावांनी दणदणीत विजय मिळवला. सामना संपल्यानंतर एमएस धोनीने भारतीय खेळाडूंची भेट घेतली. धोनीने यष्टिरक्षक ऋषभ पंत आणि ईशान किशन यांच्याशी संवाद साधताना दिसतात. बीसीसीआयने शेअर केलेल्या फोटोंमध्ये ईशानने त्याच्याबरोबर दिसतोय.

धोनीने 15 ऑगस्ट 2020 रोजी आंतरराष्ट्रीय क्रिकेटमधून निवृत्ती घेतली. धोनीने टीम इंडियासाठी शेवटचा सामना 2019 वर्ल्ड कपमध्ये खेळला होता. तेव्हापासून तो टीम इंडियाचा भाग नाही पण आयपीएलमध्ये दिसतो आणि खेळाडूंसोबत त्याचा अनुभव शेअर करतो. भारतीय संघाचा सर्वात यशस्वी कर्णधार होता. ज्याने त्याच्या नेतृत्वाखाली देशासाठी तीन आयसीसी स्पर्धा जिंकल्या आहेत. या तिन्ही स्पर्धा जिंकणारा धोनी जगातील एकमेव कर्णधार आहे.