टीम इंडियाचा ओपनर रोहित शर्मा माजी कर्णधार महेंद्र सिंह धोनीमुळे सलामीवर बनला हे सर्वश्रुत आहे. मात्र, यामागे एक मजेदार किस्सा आहे. जो सध्या चर्चेत आला आहे.(Rohit Sharma becomes an opener because of Dinesh Karthik ms Dhoni)

भारतीय कर्णधार गेल्या 8-9 वर्षांपासून सलामीवीर म्हणून डोलत आहे. विश्वचषकापासून द्विपक्षीय मालिकेपर्यंत रोहितने सलामीवीर म्हणून सर्वत्र कमाल दाखवली आहे. सध्या तो जागतिक क्रिकेटमधील सर्वोत्तम सलामीवीरांपैकी एक आहे. अशातच त्याच्या सलामी भूमिकेसंदर्भात नवा खुलासा समोर आला आहे. यासर्वांमागे दिनेश कार्तिक असल्याचे समजते.

रोहितच्या क्रिकेट कारकिर्दीला सुरुवात झाली तेव्हा तो मधल्या फळीत फलंदाजी करायचा. पण 2013 च्या चॅम्पियन्स ट्रॉफी दरम्यान एक घटना घडली, ज्यामुळे रोहितला सलामीवीर बनावे लागले. आणि त्यात दिनेश कार्तिकचीही भूमिका आहे. टीम इंडियाचे माजी फिल्डिंग कोच आर श्रीधर यांनी याबाबत एक मजेदार खुलासा केला आहे.

2013 च्या चॅम्पियन्स ट्रॉफी दरम्यान कर्णधार महेंद्रसिंग धोनीने कार्तिकमुळे रोहित शर्माला ओपनिंगसाठी पाठवण्याचा निर्णय घेतला होता. असा दावा आर श्रीधर यांनी केला आहे.

धोनीने 2013 च्या चॅम्पियन्स ट्रॉफीमध्ये रोहित शर्माने ओपनिंग करण्याचा निर्णय घेतला होता. सराव सामन्यात दिनेश कार्तिक चांगली फलंदाजी करत होता, त्यामुळे मधल्या फळीत त्याचे स्थान निश्चित झाले. पण कर्णधार धोनीलाही रोहितला संघात कायम ठेवायचे होते. याच कारणामुळे संघ व्यवस्थापनाने विशेषतः कर्णधार धोनीने रोहितला ओपनिंग करण्यास सांगितले. जो खरोखरच एक उत्तम निर्णय ठरला. असे आर श्रीधर यांनी सांगितले.

रोहितनेही धोनीचा विश्वास खरा ठरवला, त्याने चॅम्पियन्स ट्रॉफीमध्ये शिखर धवनसोबत डावाची सलामी दिली आणि टीम इंडियाने त्याच वर्षी चॅम्पियन्स ट्रॉफीचे विजेतेपदही पटकावले. रोहितने नुकतीच सूर्यकुमार यादवसोबत डावाची सुरुवात केली आहे. त्यामुले सूर्यकुमार रोहितचा विश्वास सार्थ ठरवतो को हे पाहणे उत्सुकत्याचे ठरणार आहे.