Mukesh Ambani Purchasing Arsenal Football Club : भारतातील सर्वात श्रीमंत व्यक्तीपैकी एक असलेले उद्योपती मुकेश अंबानी आता युरोपातील फुटबॉल क्लब विकत घेणार असल्याचे वृत्त आले आहे. मात्र अंबानी हे मँचेस्टर युनायटेड, लिव्हरपूल की अर्सेनाल क्लब विकत घेणार याबाबत वेगवेगळी माहिती समोर येत आहे. मुकेश अंबानी यांनी 2008 मध्ये आयपीएलचा मुंबई संघ विकत घेतला होता. त्यानंतर त्यांनी इंडियन फुटबॉल सुपर लीग सुरू केली. आता ते युरोपातील फुटबॉल क्लबमध्ये गुंतवणूक करत क्रीडा क्षेत्रातील गुंतवणुकीबाबत मोठा निर्णय घेण्याची शक्यता आहे.

नुकतेच लिव्हरपूलची मालकी असलेल्या फेनवे स्पोर्ट्स ग्रुपने तसेच मँचेस्टर युनायडेटचे मालक ग्लेझेर कुटुंबाने क्लबमध्ये बाहेरची गुंतवणूक वाढवण्याच्या हालचाली सुरू केल्या आहे. या क्लबमध्ये मुकेश अंबानी आपली गुंतवणूक करण्याच उत्सुक असल्याचे वृत्त आले आहे. मात्र रिलायन्स इंडस्ट्रीज हे वृत्त खोडून काढत अंबानी या दोन क्लबमध्ये गुंतवणूक करण्याऐवजी उत्तर लंडनमधील क्लबमध्ये गुंतवणूक करण्यास प्राधान्य देतील असे सांगण्यात आल्याचे वृत्त एबीपी न्यूज चॅनलने दिले आहे.

अर्सेनालमध्येच गुंतवणूक करण्यामागचे कारण हे मुकेश अंबानींचे पुत्र आकाश अंबानी असल्याचे सांगण्यात येत आहे. कराण आकाश हा अर्सेनालचा सपोर्टर आहे. मिळालेल्या वृत्तानुसार 'अंबानींचा 31 वर्षाचा मुलगा आकाश हा अर्सेनालचा मोठा फॅन आहे. त्यामुळे जर अंबानी कुटुंबीय जर युरोपातील फुटबॉल विश्वात आपली एन्ट्री करणार असतील तर ते अर्सेनालची निवड करण्याची शक्यता आहे.'

अर्सेनालची मालकी सध्या क्राँके स्पोर्ट्स आणि एन्टरटेंनमेंट कंपनीकडे आहे. स्टॅन क्राँके या कंपनीचे मालक आहेत. सध्या त्यांचा मुलगा जॉश क्राँके दैनंदिन कामकाज पाहत आहे.

हेही वाचा : काय आहे सलाम किंवा कुर्निसाताचे महत्त्व राजशिष्टाचारांमध्ये