New Zealand vs Pakistan : न्यूझीलंड, पाकिस्तान आणि बांगलादेश यांच्यात टी-20 विश्वचषकापूर्वी त्रिकोणी टी-20 मालिका खेळल्या जात आहे. शनिवारी क्राइस्टचर्चमध्ये पाकिस्तान आणि न्यूझीलंड यांच्यात टी-20 सामना खेळला गेला. बाबर आझमने न्यूझीलंडचा सहा विकेट्सने पराभव केला. या सामन्यादरम्यान एक नग्न व्यक्ती मैदानात घुसल्याची धक्कादायक घटना पाहायला मिळाली.

ही घटना घडली त्यावेळी पाकिस्तानची फलंदाजी सुरू होती आणि कर्णधार बाबर आझम खेळत होता. नग्न माणूस मैदानात शिरला मात्र, सुरक्षा कर्मचाऱ्यांनी त्याला कसेबसे नियंत्रणात ठेवले. या संपूर्ण घटनेमुळे सामना काही काळ ठप्प झाला होता. त्या व्यक्तीला ताब्यात घेण्यात आले असून योग्य वेळी पुढील कारवाई केली जाईल. पाकिस्तान विरुद्ध न्यूझीलंड सामन्यादरम्यान अशी घटना घडण्याची ही पहिलीच वेळ नाही. 2020 मध्ये पाकिस्तान विरुद्ध न्यूझीलंड कसोटी सामन्यादरम्यान एक नग्न माणूस खेळपट्टीवर आला होता

सामन्याबद्दल बोलायचे झाले तर नाणेफेक जिंकून प्रथम फलंदाजी करताना न्यूझीलंडने 20 षटकांत 8 बाद 147 धावा केल्या. डेव्हन कॉनवेने 35 चेंडूत 36, तर कर्णधार केन विल्यमसनने 30 चेंडूत 31 धावा केल्या. पाकिस्तानकडून हरिस रौफने तीन बळी घेतले. प्रत्युत्तरात पाकिस्तान संघाने 18.2 षटकांत 148 धावांचे लक्ष्य गाठले. कर्णधार बाबर आझमने 53 चेंडूंत 11 चौकारांसह 79 धावांची नाबाद खेळी खेळली. शादाब खानने 22 चेंडूत 2 चौकार आणि 2 षटकारांच्या मदतीने 34 धावा करत कर्णधाराला चांगली साथ दिली. न्यूझीलंडकडून ब्लेअर टिकनरने दोन, तर ट्रेंट बोल्ट आणि टीम साऊदीने प्रत्येकी एक विकेट घेतली.