India vs New Zealand ODI 2022 : न्यूझीलंड क्रिकेट मंडळाकडून सोमवारी पाकिस्तान व भारताविरुद्धच्या एकदिवसीय मालिकेसाठी आपल्या संघाची घोषणा करण्यात आली. केन विल्यमसन व टीम साऊदी हे दोन प्रमुख खेळाडू फक्त पाकिस्तानविरुद्ध मालिकेत खेळणार आहेत. भारताविरुद्धच्या मालिकेसाठी त्यांना विश्रांती देण्यात आली आहे.

विल्यमसन व साऊदी पाकिस्तानविरुद्धच्या एकदिवसीय मालिकेत न्यूझीलंडसाठी खेळणार आहेत; मात्र भारताविरुद्धच्या मालिकेमधून त्यांना विश्रांती देण्यात आली आहे. फेब्रुवारी महिन्यातील इंग्लंडविरुद्धच्या कसोटी मालिकेत खेळता यावे, यासाठी दोघांची भारताविरुद्धच्या मालिकेसाठी निवड करण्यात आलेली नाही. टॉम लॅथम याच्याकडे न्यूझीलंड संघाच्या नेतृत्वाची जबाबदारी असणार आहे.

शिपले नवा चेहरा

न्यूझीलंडच्या संघात एका नव्या खेळाडूला संधी देण्यात आली आहे. त्याचे नाव हेन्‍री शिपले हे आहे. तो २६ वर्षांचा असून अष्टपैलू खेळाडू म्हणून त्याची निवड करण्यात आली आहे. हेन्‍री न्यूझीलंडमधील कँटरबरी संघामधून खेळत असून त्याने पहिला प्रथमश्रेणी सामना २०१६ मध्ये खेळला.

भारताविरुद्धच्या एकदिवसीय मालिकेसाठी न्यूझीलंडचा संघ : फिन ॲलेन, मायकेल ब्रेसवेल, मार्क चॅपमन, डेव्होन कॉनवे, जेकब डफी, लॉकी फर्ग्युसन, मॅट हेन्‍री, टॉम लॅथम (कर्णधार), ॲडम मिल्न, डॅरेल मिचेल, हेन्‍री निकोल्स, ग्लेन फिलिप्स, मिचेल सँटनर, हेन्‍री शिपले, इश सोधी.

भारत-न्यूझीलंड, एकदिवसीय मालिकेचे वेळापत्रक

• पहिली लढत १८ जानेवारी, हैदराबाद

• दुसरी लढत २१ जानेवारी, रायपूर

• तिसरी लढत २४ जानेवारी, इंदोर