Novak Djokovic Clinches Record 23rd Grand Slam : नोव्हाक जोकोविजने फ्रेंच ओपन फायनलमध्ये कॅस्पर रूडचा पराभव करत आपले 23 वे ग्रँडस्लॅम जिंकले. तो आता 23 ग्रँडस्लॅम जिंकणारा पहिला पुरूष टेनिसपटू ठरला आहे. त्याने राफेल नदालचे 22 ग्रँडस्लॅम जिंकण्याचे रेकॉर्ड मागे टाकले. (Novak Djokovic defeated Casper Ruud In French Open 2023)

फ्रेंच ओपन 2023 च्या पुरूष एकेरीच्या फायनलध्ये सर्बियाच्या नोव्हाक जोकोविचने कॅस्पर रूडचा 7-6 (7-1), 6-3, 7-5 असे तीन सेटमध्ये पराभूत केले. पहिल्या सेटमध्ये कस्परने आघाडी घेत नोव्हाक जोकोविचचे टेन्शन वाढवले होते. मात्र जोकोविचने पहिला सेट 7-6 (7-1) असा जिंकत जोरदार पुनरागमन केले.

त्यानंतर दुसऱ्या सेटमध्ये जोकोविचने कॅस्परला पुनरागमनाची संधी न देता सेट 6 - 3 असा आपल्या नावावर केला. मात्र तिसऱ्या आणि निर्णायक सेटमध्ये कॅस्परने जोकोविचला चांगलेच झुंजवले. अखेर कॅस्परची कडवी झुंज मोडून काढून तिसरा सेट 7 - 5 असा जिंकत इतिहास रचला.