T20 WC 2022: सिडनी क्रिकेट ग्राउंडवर न्यूझीलंड आणि पाकिस्तान यांच्यातील पहिल्या उपांत्य सामन्यात न्यूझीलंडने नाणेफेक जिंकून फलंदाजीचा निर्णय घेतला. या सामन्यात न्यूझीलंडची सुरुवात खूपच खराब झाली.

स्फोटक फिन अॅलन पहिल्याच षटकात अवघ्या चार धावा काढून पॅव्हेलियनमध्ये परतला. यानंतर डेव्हॉन कॉनवे 21 धावांवर बाद झाला आणि ग्लेन फिलिप्सने सहा धावा केल्या. 49 धावांत तीन गडी गमावल्यानंतर किवीज संघ गडगडला होता. न्यूझीलंडची अशी अवस्था झाल्यानंतर सोशल मीडियावर मिम्स व्हायरल व्हायला सुरुवात झाली. एका चाहत्याने लिहिले की आम्ही कशाला जिंकू, आम्ही थोडीच भारताविरोधात सामना खेळातोय. न्यूझीलंडने 2019 च्या वर्ल्डकप सेमी फायनलमध्ये टीम इंडियाचा पराभव केला.

नाणेफेक जिंकून प्रथम फलंदाजी करताना न्यूझीलंडने पाकिस्तानसमोर 153 धावांचे लक्ष्य ठेवले होते. पहिल्याच षटकात फिन अॅलन बाद झाल्यानंतर किवी कर्णधार केन विल्यमसन क्रमांकावर फलंदाजीला आला. यानंतर कर्णधार केन विल्यमसन आणि डॅरेल मिशेल यांनी 68 धावांची भागीदारी करत संघाची धावसंख्या 117 धावांपर्यंत नेली. केन विल्यमसन 42 चेंडूत 46 धावा करून बाद झाला. तर डॅरिल मिशेलने 35 चेंडूत नाबाद 53 धावा केल्या. शेवटी जेम्स नीशमने 12 चेंडूत 16 धावा करत न्यूझीलंडची धावसंख्या 4 बाद 152 पर्यंत नेली. पाकिस्तानकडून शाहीन आफ्रिदीने दोन बळी घेतले. मोहम्मद नवाजला एक विकेट मिळाली.