PAK vs AUS 2nd Test: पाकिस्तानचा कर्णधार बाबर आझम (Babar Azam) याने ऑस्ट्रेलिया विरुद्धच्या कराची कसोटीत नवा विक्रम प्रस्थापित केला. त्याने दमदार खेळीसह आपले नाव दिग्गज क्रिकेटर्सच्या पंक्तीत का घेतले जाते, याची झलकच दाखवून दिलीये. बाबरने सामन्याच्या अखेरच्या दिवशी 196 धावांची खेळी केली. त्याचे द्विशतक अवघ्या 4 धावांनी हुकले. ऑस्ट्रेलियाने ठेवलेल्या 506 धावांचा पाठलाग करताना हा एकटा गडी ऑस्ट्रेलियाला पूरन उरला.

पाकिस्तान संघाने मंगळवारी 2 बाद 192 धावांवरुन खेळाला सुरुवात केली. अब्दुल्लाल शफीक 96 धावांवर परतल्यानंतर बाबर आझमने सामन्याची सूत्रे आपल्या हाती घेतली. त्याचे द्विशतक हुकले असली तरी एक खास रेकॉर्ड त्याने आपल्या नावे केला आहे. 145 वर्षांच्या कसोटी इतिहासात जे घडलं नाही ते बाबरनं करुन दाखवलं.

बाबर आझम कसोटी सामन्याच्या इतिहासात चौथ्या डावात सर्वाधिक धावा करणारा कर्णधार बनला आहे. याआधी हा रेकॉर्ड मायकल अथर्टन (185*), बेवेन कोंगडोन (176), डोनाल्ड ब्रॅडमॅन (173*) नावावर होता. याशिवाय रिकी पाँटिंगसोबत सर्वाधिक चेंडू खेळण्याचा विक्रमही त्याच्या नावे झाला.