Ramita Jindal Paris Olympic 2024 : पॅरिस ऑलिम्पिक 2024च्या दुसऱ्या दिवशी (२८ जुलै) शूटिंगमध्ये भारतासाठी एक आनंदाची बातमी समोर आली आहे. रमिता जिंदलने महिलांच्या 10 मीटर एअर रायफल स्पर्धेत अंतिम फेरी गाठली आहे. रमिता गेल्या 20 वर्षांत मनू भाकरनंतरची दुसरी महिला नेमबाज ठरली. तर रमिता तिच्या प्रशिक्षक सुमा शिरूर (अथेन्स 2004) नंतर ऑलिम्पिक अंतिम फेरीत पोहोचणारी पहिली भारतीय महिला रायफल नेमबाज आहे.

60 शॉट्सच्या पात्रता फेरीत रमिता एकूण 631.5 गुणांसह पाचव्या स्थानावर राहिली. रमिताने पहिल्या मालिकेत 104.3, दुसऱ्यामध्ये 106.0, तिसऱ्यामध्ये 104.9, चौथ्यामध्ये 105.3, पाचव्यामध्ये 105.3 आणि सहाव्या मालिकेत 105.7 गुण मिळवले. या स्पर्धेचा अंतिम सामना उद्या (29 जुलै) होणार आहे.

एलाव्हेलिन वालारिवन देखील महिलांच्या 10 मीटर एअर पिस्तूल स्पर्धेत भाग घेत होता, परंतु तिने निराश केले. वालारिवन 630.7 गुणांसह 10व्या स्थानावर आहे. वलारिवनची एकवेळ अंतिम फेरी गाठण्याच्या दिशेने वाटचाल सुरू असली तरी शेवटच्या काही शॉट्समध्ये तिला आपला वेग कायम ठेवता आला नाही.