Pat Cummins Most Expensive in IPL History : इंडियन प्रीमियर लीग 2024 च्या लिलावात इतिहासातील सर्वात मोठी बोली लागली आहे. ऑस्ट्रेलियाचा वर्ल्ड कपचा विजेता कर्णधार पॅट कमिन्सला सनरायझर्स हैदराबादने 20.50 कोटी रुपयांना विकत घेतले आहे, यासह तो आयपीएल इतिहासातील सर्वात महागडा खेळाडू ठरला आहे.

पॅट कमिन्सची मूळ किंमत 2 कोटी रुपये होती. सुरूवातीला चेन्नई आणि मुंबईने खरेदी करण्यात रस दाखवला होता. पण त्यानंतर सनरायझर्स हैदराबाद आणि रॉयल चॅलेंजर्स बंगलोर यांच्यात चुरशीची लढत झाली.

स्टार अष्टपैलू पॅट कमिन्स हा ऑस्ट्रेलियाचा कर्णधार असून अलीकडेच त्याच्या नेतृत्वाखाली संघाने एकदिवसीय वर्ल्ड कप जिंकला आहे. एकदिवसीय वर्ल्ड कपच्या अंतिम सामन्यात ऑस्ट्रेलियाने भारताचा पराभव केला होता. आणि आता सर्वांना आश्चर्यचकित करत पॅट कमिन्स आयपीएलच्या इतिहासातील सर्वात महागडा खेळाडू ठरला आहे.

पॅट कमिन्सची बोली 2 कोटी रुपयांपासून सुरू झाली, जेव्हा सनरायझर्स हैदराबादने त्याच्यासाठी पहिली बोली लावली आणि नंतर चेन्नई आणि मुंबईने रस दाखवला, पण ते लवकर बाहेर झाले. त्यानंतर रॉयल चॅलेंजर्स बंगळुरू या बोलीमध्ये सामील झाले. पण शेवटी सनरायझर्स हैदराबादने बाजी मारली 20.50 कोटी रुपयांना विकत घेतले.