लाहोर : कट्टर प्रतिस्पर्धी भारताविरुद्ध मानहानिकारक पराभव पत्करावा लागल्यामुळे पाक संघावरच बंदी घालावी, अशी मागणी करीत एका पाक क्रिकेटप्रेमीने न्यायालयात धाव घेत याचिकाच दाखल केली. न्यायालयाने याप्रकरणी पाकिस्तान क्रिकेट मंडळाच्या (पीसीबी) पदाधिकाऱ्यांना सुनावणीसाठी बोलाविले आहे. या चाहत्याचे नाव जाहीर करण्यात आलेले नाही, तसेच सुनावणीची तारीखही समजू शकली नाही.
"समा' वृत्तवाहिनीने दिलेल्या वृत्तानुसार गुजरानवाला दिवाणी न्यायालयाने ही याचिका दाखल करून घेतली आहे. त्यात इंझमाम उल हक याच्या नेतृत्वाखालील निवड समितीसुद्धा बडतर्फ करावी, अशी मागणी करण्यात आली आहे.
बुधवारी मंडळाची बैठक
दरम्यान, "पीसीबी'च्या प्रशासकीय मंडळाची बुधवारी लाहोरमध्ये बैठक होणार आहे. त्यात संघव्यवस्थापनात बदल करण्याबाबत मोठे निर्णय होण्याची अपेक्षा आहे. हे वृत्त "जिओ न्यूज'ने दिले आहे. प्रशिक्षण दल आणि निवड समिती यांच्यातील अनेक सदस्यांना निरोप दिला जाईल. यात प्रशिक्षक मिकी आर्थर यांचा समावेश असेल. त्यांचा करार वाढवायचा नाही असे मंडळाने यापूर्वीच ठरविले आहे.
संघ व्यवस्थापक तलत अली, "बोलिंग कोच' अझर मेहमूद आणि संपूर्ण निवड समिती बडतर्फ केली जाईल. या बैठकीला उपस्थित राहण्यासाठी मंडळाचे व्यवस्थापकीय संचालक वसीम खान परदेश दौरा अर्धवट सोडून मायदेशी परतले आहेत. ते या बैठकीला उपस्थित राहतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.