Portugal coach Fernando Santos on Cristiano Ronaldo : मोरोक्कोने ख्रिस्तियानो रोनाल्डोच्या पोर्तुगालच्या संघाचा फिफा विश्‍वकरंडकात १-० असा पराभव करत सगळ्यांनाच आश्चर्याचा धक्का दिला.

पोर्तुगालचे प्रशिक्षक फर्नांडो सांतोस यांनी रोनाल्डोला सामन्याच्या सुरुवातीपासून न खेळविण्याचा निर्णय घेतल्यामुळे संघाचा पराभव झाल्याचे बोलले जात आहे; मात्र आपण रोनाल्डोला बाकावर बसविण्यात चूक केली नसल्याचे त्यांनी सामन्यानंतरच्या पत्रकार परिषदेत म्हटले आहे.

मोरोक्कोविरुद्दच्या सामन्यात स्टार खेळाडू रोनाल्डोला का खेळवले गेले नाही, याबद्दल पत्रकारांनी विचारले असता ते म्हणाले, त्याला सामन्याच्या कुठल्या क्षणी मैदानात आणायचे हे सहकाऱ्यांचे आणि माझे आधीच ठरले होते. त्याला सुरुवातीपासूनच मैदानात उतरवण्यात आले असते, तरी सामन्याचा निकाल वेगळा लागला असता, असे मला वाटत नाही, कारण मोरोक्कोच्या खेळाडूंनी आम्हाला अपेक्षा असल्यापेक्षा चांगला खेळ केला. आमचे काही डावपेच चुकले. मोरोक्कोचा संघ चांगली कामगिरी करत आहे, असेही ते पुढे म्हणाले.