Team India Prithvi Shaw : भारतीय क्रिकेट संघ सध्या टी-20 विश्वचषकाच्या तयारीत आहे. टीम इंडिया यामुळे सतत वेगवेगळ्या देशांविरुद्ध क्रिकेट खेळत आहे. इंग्लंड आणि वेस्ट इंडिज यांच्याशी टक्कर दिल्यानंतर आता टीम इंडिया झिम्बाब्वेविरुद्ध खेळणार आहे. टीम इंडिया यानंतर आशिया कपमध्येही सहभागी होणार आहे. प्रत्येक दौऱ्यावर अनेक युवा खेळाडूंना संधी दिली जात आहे, जेणेकरून विश्वचषकाची तयारी अधिक मजबूत होईल. पण एक असा खेळाडू आहे त्याला कोणत्याही मालिकेत संधी देण्यात आलेली नाही.

आशिया कपसाठी संघात अनुभवी खेळाडूंसह युवा खेळाडूही आहेत. पण भारताकडे उत्तम दर्जाचे बरेच खेळाडू असल्याने काही खेळाडूंना पात्रता असतानाही संधी मिळालेली नाही. ज्यापैकी एक आहे युवा सलामीवीर पृथ्वी शॉ. शॉला टीम इंडियात परतण्याची खूप दिवसांपासून इच्छा होती. शॉने देशांतर्गत क्रिकेट आणि आयपीएलमध्ये अप्रतिम कामगिरी केली आहे, पण तरीही निवडकर्ते त्याला महत्त्व देले नाही. तरुण खेळाडूंना प्रत्येक दौऱ्यावर सतत संधी दिली जात असताना, शॉकडे कुणी ढुंकूनही पाहत नाही.

पृथ्वी शॉ सध्या जगातील सर्वात धोकादायक युवा फलंदाजांपैकी एक आहे. टीम इंडियाला आगामी काळात नव्या सलामीच्या फलंदाजाची गरज आहे. शॉच्या बॅटने देशांतर्गत आणि आयपीएलमध्ये जी खळबळ माजवली ती संपूर्ण जगाने पाहिली आहे. कर्णधार रोहित शर्मानंतर शॉ टीम इंडियासाठी सर्वात घातक सलामीवीर म्हणून समोर येऊ शकतो, परंतु निवडकर्ते या प्रतिभावान खेळाडूला फारशी संधी देत ​​नाही.