Ranji Trophy 2024 N Jagadeesan : दुबईत झालेल्या आयपीएल 2024 च्या लिलावात तमिळनाडूच्या एन जगदीशनवर कोणत्याही संघाने बोली लावली नाही. त्याने देशांतर्गत क्रिकेटमध्ये धावांचा पाऊस पाडला होता. मात्र आयपीएलमध्ये त्याच्याकडे फ्रेंचायजींनी साफ दुर्लक्ष केलं.
एन जगदीशन आयपीएल 2023 मध्ये कोलकाता नाईट रायडर्सच्या संघात होता. मात्र त्याला फार संधी मिळाली नाही. यापूर्वी तो चेन्नई सुपर किंग्जमध्ये देखील होती. आता याच एन जगदिशनने रणजी ट्रॉफी 2024 च्या हंगामात मोठा धमाका केला आहे. तमिळनाडूकडून खेळणाऱ्या एन जगदीशनने रेल्वेविरूद्ध नाबाद द्विशतक ठोकले.
रणजी ट्रॉफी 2024 च्या ग्रुप सी मधील सामन्यात जगदीशनने 245 धावांची नाबाद खेळी केली. त्याने आपल्या या खेळीत 25 चौोकार आणि 4 षटकार देखील लगावले. जगदीशनच्या द्विशतकाच्या जोरावर तमिळनाडूने पहिल्या डावात 489 धावांचा डोंगर उभा केला.
तमिळनाडूच्या या अवाढव्य धावसंख्येच्या प्रत्युत्तरात खेळणाऱ्या रेल्वेने पहिल्या डावात कच खालली. त्यांचा पहिला डाव 246 धावात संपुष्टात आला. तमिळनाडूने रेल्वेला फॉलोऑन दिला. दुसऱ्या डावात देखील रेल्वेला फार काही चांगली फलंदाजी करता आली नाही.
दुसऱ्या डावात रेल्वेचा संपूर्ण संघ 114 धावात पॅव्हेलियनमध्ये परतला. तमिळनाडूने हा सामना एक डाव आणि 129 धावांनी जिंकला. सामन्याचा मानकरी म्हणून एन जगदीशनचीच निवड करण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.