R.Ashwin in World Cup: रविचंद्रन आश्विन हा भारताचा महत्वाचा फिरकीपटू आहे. भारताचे माजी फरकीपटू लक्ष्मण शिवरामकृष्णन यांनी आश्विनवर टीका केली आहे. शिवरामकृष्णन यांनी सेना देशांमध्ये आश्विनच्या विकेट घेण्याच्या क्षमतेवर प्रश्नचिन्ह निर्माण केले आहेत. हे प्रश्न त्यांनी ट्वीटच्या माध्यमातून केले. भारतामध्ये खेळवल्या जाणाऱ्या कसोटी सामन्यांसाठी जी खेळपट्टी तयार केली जाते, ती आश्विनला उपयुक्त होईल अशा पद्धतीने तयार केली जाते, असा आरोप त्यांनी केला.

लक्ष्मण शिवरामकृष्णन ट्वीट करत म्हणाले की,"भारतीय फलंदाज फिरकीपटूंविरोधात संघर्ष करताना दिसत आहेत, कारण खेळपट्टी आश्विनला उपयुक्त असावी अशा हिशोबाने तयार केली जात आहे.त्याचं सेना देशांमधलं प्रदर्शन बघा". त्यानंतर त्यांनी आश्विनला 'स्वार्थी स्टॅट्स खेळाडू' म्हटलं, म्हणजे असा खेळाडू जो स्वत:ची आकडेवारी सुधारण्यासाठी खेळतो.

लक्ष्मण शिवरामकृष्णन यांनी हाही आरोप केला की, जर आश्विन २०११च्या आधी चेन्नई सुपर किंग्ज संघात महेंद्र सिंग धोनीच्या नेतृत्वाखाली खेळला नसता, जो त्यावेळी भारताचाही कर्णधार होता, तर त्याला भारतीय संघाचं प्रतिनिधित्व करण्यासाठी जास्त काळ लागला असता.(Latest Marathi News)

शिवरामकृष्णन यांनी आश्विनच्या ब्रॉडकास्टिंगवर देखील ताशेरे ओढले आहेत. ते म्हणाले की, "जेव्हा तो माईक उचलतो, तेव्हा तो जगातील सर्वोत्तम बुलशीटर असतो. तुम्हाला त्याला मिळणारे पैसे बघून आश्चर्य वाटेल ." आश्विन समाज माध्यमांवर जास्त सक्रिय असतो आणि क्रिकेटमधील घडत असलेल्या गोष्टींवर आपलं मत मांडतं असतो आणि त्याच्या यू-ट्यूब चॅनलवर व्हिडीओ बनवत असतो.

यंदाच्या विश्वचषकाच्या संघामध्ये आश्विनचा समावेश नव्हता. मात्र, अक्सर पटेल दुखापतग्रस्त झाल्याने त्याला ऐन मोक्याच्यावेळी संघात स्थान देण्यात आले. भारताच्या संघात ऑफ स्पिनरची कमी होती. आश्विनच्या अनुभवाचा फायदा भारताला होऊ शकतो. (Latest Marathi News)