Shah Rukh Khan On Rinku Singh : रिंकू सिंगने आयपीएल 2023 मध्ये बॅटने दमदार कामगिरी केली. कोलकाता नाईट रायडर्सकडून खेळताना त्याने गुजरात टायटन्सविरुद्धच्या सामन्यात 5 चेंडूत 5 षटकार ठोकले. आता त्याला टीम इंडियात स्थान मिळू शकते. वेस्ट इंडिज दौऱ्यासाठी कसोटी आणि एकदिवसीय संघ जाहीर झाले असले तरी टी-20 संघाची घोषणा अद्याप झालेली नाही.

रिंकू टी-20 संघासाठी फिट असल्याचे सांगितले जात आहे. अनेक दिग्गज खेळाडूही त्याच्या संघात समावेश करण्याच्या बाजूने आहेत. दरम्यान बॉलिवूडचा बादशाह आणि केकेआर टीमचा मालक शाहरुख खानने एका प्रश्नाच्या उत्तरात रिंकूला बाप म्हटले आहे. त्यामुळे सोशल मीडियावर जोरदार राडा झाला आहे.

शाहरुख खान सोशल मीडियावर चाहत्यांच्या प्रश्नांना उत्तरे देत होता. यादरम्यान एका चाहत्याने त्याला केकेआरचा स्टार रिंकू सिंगसाठी एक शब्द बोलण्यास सांगितले. या प्रश्नावर किंग खानने दिलेल्या उत्तराने बरीच चर्चा रंगली आहे. या प्रश्नाला उत्तर देताना शाहरुखने रिट्विट करत लिहिले की, रिंकू हा बाप आहे, मुलगा नाही. . शाहरुखचे हे उत्तर लोकांना खूप आवडले. यापूर्वी आयपीएल 2023 मध्ये देखील शाहरुख खानने रिंकू सिंगचे कौतुक केले होते.

टी-20 उत्कृष्ट स्ट्राइक रेट

25 वर्षीय रिंकू सिंगचा टी-20 मध्ये स्ट्राइक रेट उत्कृष्ट आहे. त्याने 89 सामन्यांच्या 81 डावांमध्ये 30 च्या सरासरीने 1768 धावा केल्या आहेत. 10 अर्धशतके ठोकली. स्ट्राइक रेट 141 आहे, जो उत्कृष्ट आहे. 139 चौकारांशिवाय त्याने 80 षटकारही मारले आहेत. रिंकूने प्रथम श्रेणी क्रिकेटमध्ये 163 धावांची नाबाद खेळीही खेळली आहे.

टीम इंडियाला वेस्ट इंडिज दौऱ्यावर 5 टी-20 सामने खेळायचे आहेत. 3 ऑगस्टपासून टी-20 मालिका सुरू होत आहे. हार्दिक पांड्याच्या नेतृत्वाखाली युवा खेळाडूंना येथे संधी मिळू शकते.