Rishabh Pant Urvashi Rautela Controversy : जागतिक क्रिकेट वर्तुळात ऋषभ पंत हळूहळू आपला दबदबा निर्माण करत आहे. ऋषभ पंत आपल्या डॅशिंग बॅटिंगने सर्वांचा लाडका झाला आहे. अशा या लाडक्या ऋषभ पंतचे नाव सातत्याने उर्वशी रौतेला या मॉडेलशी जोडले जाते. अलीकडेच, बॉलीवूड अभिनेत्री उर्वशी रौतेला आणि ऋषभ पंत यांच्यातील वाद खूप चर्चेत आला आहे. उर्वशीने एका मुलाखतीत 'मिस्टर आरपी'बद्दल एक किस्सा सांगितला होता, त्यानंतर हा वाद सुरू झाला. आता पंतने त्याच्या इंस्टाग्रामवर आणखी एक नवीन स्टोरी शेअर केली आहे जी या वादाशी जोडली जात आहे.

पंतने आपल्या स्टोरी मध्ये जो फोटो ठेवला आहे, त्यात लिहिले की, जे तुमच्या नियंत्रणात नाहीत त्या गोष्टींवर तुम्ही ताण देऊ नका.

उर्वशी रौतेलाने तिच्या मुलाखतीत सांगितले होते की, मी वाराणसीमध्ये शूटिंग करून दिल्लीला आले होते, जिथे माझा शो होणार होता. मी दिवसभर शूटिंग केले. आरपी मला भेटायला आला होता आणि तो लॉबीमध्ये माझी वाट पाहत होते. मात्र मी शुटिंगमध्ये व्यग्र होते. नंतर मी थकून झोपले. मात्र मला 16 ते 17 मिसकॉल आले होते. आरपी अनेक तास माझी वाट पाहत होता मात्र मी त्याला भेटू शकले नाही यामुळे मी नाराज होते. त्यानंतर मी त्याला मुंबईत भेटू असे सांगितले. आम्ही मुंबईत भेटलो. मात्र या दरम्यान माध्यमांनी आम्हाला गाठले. त्यानंतर आमचे नाते संपले असेही ती म्हणाली.

ऋषभ पंतची इंस्टाग्राम स्टोरी सांगून व्हायरल झालेल्या पोस्टनुसार, भारतीय क्रिकेटरने प्रतिक्रिया देताना म्हटले, 'किती मजेदार आहे की काही लोक लोकप्रियता मिळविण्यासाठी मुलाखतींमध्ये खोटे बोलतात. काही लोक लोकप्रियतेचे भुकेले आहेत हे किती वाईट आहे. देव त्यांना सुखी ठेवो. माझ्या बहिणीचा पाठलाग सोडा, खोट्यालाही मर्यादा असतात. पंतच्या याच पोस्टला उर्वशीनेही इंस्टा पोस्ट करत पलटवार केला आहे. 'छोटू भैय्याने फक्त बॅट-बॉल खेळावे. मी काही मुन्नी नाही जी बदनाम होईल, ती सुद्धा तुझ्यासाठी किडू प्रिय आहे. रक्षाबंधनाच्या शुभेच्छा. आरपी छोटू भैया. शांत मुलीचा गैरफायदा घेऊ नका.