दिल्ली - भारताच्या दक्षिण आफ्रिकेविरुद्धचा कसोटी संघ जाहीर करण्यात आला आहे. या संघाची घोषणा करताना बीसीसीआयने रोहित शर्मा हा टी २० आणि वनडेसाठी कर्णधार असेल असंही स्पष्ट केलं आहे. दक्षिण आफ्रिका दौऱ्यावर भारतीय संघ (Team India) कसोटी मालिकेसह वनडे (ODI) सामन्यांची मालिका खेळणार आहे.

गेल्या काही वर्षांत इंग्लंड ऑस्ट्रेलिया सारख्या क्रिकेट संघांनी मर्यादीत षटकांसाठी आणि कसोटी संघासाठी वेगवेगळ्या नेतृत्व निवडीला पसंती दिल्याचे पाहायला मिळाले. सुरुवातीच्या काळात या स्प्लिट कॅप्टन्सीला भारतात विरोध झाला. पण टी-20 वर्ल्ड कपनंतर भारतीय संघही या मार्गावर जाण्यास तयार झाल्याचे संकेत मिळाले होते. त्यानंतर आता वनडेत रोहित राज्य आल्याचे पाहायला मिळत आहे.

कसोटी संघ - विराट कोहली(कर्णधार), रोहित शर्मा (उप कर्णधार), के एल राहुल, मयंक अग्रवाल, चेतेश्वर पुजारा, अजिंक्य रहाणे, श्रेयस अय्यर, हनुमा विहारी, ऋषभ पंत, ऋद्धिमान साहा, आर अश्विन, जयंत यादव, इशांत शर्मा, मोहम्मद शमी, उमेश यादव, जसप्रीत बुमराह, शार्दुल ठाकुर, मोहम्मद सिराज.