Rohit Sharma breaks AB de Villiers Record : एकदिवसीय वर्ल्ड कप 2023 च्या लीग टप्प्यातील शेवटचा सामना भारत आणि नेदरलँड्स यांच्यात बेंगळुरू येथील एम चिन्नास्वामी स्टेडियमवर खेळला जात आहे. या सामन्यात टीम इंडियाचा कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला आणि स्फोटक सुरुवात करून दिली. या सामन्यादरम्यान हिटमॅनने षटकार मारण्याच्या बाबतीत अनेक मोठे विक्रम आपल्या नावावर केले आहेत.

रोहितने वनडे क्रिकेटमध्ये इतिहास रचला

रोहित शर्माने एबी डिव्हिलियर्सचा मोठा विक्रम मोडला आहे. रोहितने बेंगळुरूमध्ये नेदरलँड्सविरुद्ध पहिला षटकार ठोकताच, त्याने एकदिवसीय क्रिकेटमध्ये एका कॅलेंडर वर्षात सर्वाधिक षटकार मारण्याचा विश्वविक्रम केला. डिव्हिलियर्सने 2015 मध्ये 58 षटकार मारले होते. रोहितने त्याला मागे टाकत यावर्षी 60 षटकार ठोकले आहेत.

एका कॅलेंडर वर्षात वनडेमध्ये सर्वाधिक षटकार

• 60 षटकार - रोहित शर्मा 2023*

• 58 षटकार - 2015 मध्ये एबी डिव्हिलियर्स

कर्णधार म्हणून वर्ल्ड कपमध्ये सर्वाधिक षटकार

• 24 - रोहित शर्मा (2023)*

• 22 - इऑन मॉर्गन (2019)

• 21- एबी डिव्हिलियर्स (2015)

• 18 - आरोन फिंच (2019)

• 17 - ब्रेंडन मॅक्क्युलम (2015)