Rohit Sharma Injury IND vs BAN :बांगलादेशविरुद्धची वनडे मालिका गमावल्यानंतर आता भारतीय क्रिकेट संघाला आणखी एक मोठा धक्का बसला आहे. टीम इंडियाचा कर्णधार रोहित शर्मा, वेगवान गोलंदाज दीपक चहर आणि कुलदीप सेन दुखापतीमुळे तिसऱ्या एकदिवसीय सामन्यातून बाहेर पडले आहेत. टीम इंडियाचे प्रशिक्षक राहुल द्रविड यांनी ही माहिती दिली आहे.

भारतीय क्रिकेट संघाचा कर्णधार रोहित शर्माच्या डाव्या हाताच्या अंगठ्याला दुखापत झाल्याने त्याला स्कॅनसाठी नेण्यात आले. रोहित यापुढे मालिकेतील शेवटच्या सामन्यात भाग घेऊ शकणार नाही आणि कसोटी मालिकेत त्याला खेळण्याची संधी मिळण्याची शक्यता कमी आहे. संपल्यानंतर मुख्य प्रशिक्षक राहुल द्रविड यांनी याबाबत माहिती दिली आहे.

पीटीआयच्या म्हणण्यानुसार, दुसरा सामना संपल्यानंतर द्रविडने सांगितले की रोहित तज्ञांचा सल्ला घेण्यासाठी मुंबईला जाणार आहे. वनडे मालिकेतील शेवटच्या सामन्यात तो खेळणार नाही. याशिवाय रोहित कसोटी मालिकेत पुनरागमन करू शकेल की नाही याचीही खात्री द्रविडला नाही. रोहितच्या अंगठ्याला फ्रॅक्चर नसले तरी त्याची दुखापत गंभीर असू शकते.

पण आता मालिकेतील तिसरा एकदिवसीय सामना 10 डिसेंबर रोजी चितगाव येथे होणार आहे. याआधीही टीम इंडियासाठी ही वाईट बातमी समोर आली आहे. दुसऱ्या एकदिवसीय सामन्यात पराभव झाल्यानंतर प्रशिक्षक राहुल द्रविड यांनी ही माहिती दिली. ते म्हणाले की, 'नक्कीच कुलदीप, दीपक आणि रोहित पुढील सामन्यात खेळू शकणार नाहीत. कुलदीप आणि दीपक मालिकेतून बाहेर आहेत. रोहितही पुढचा सामना खेळू शकणार नाही.

रोहितशिवाय दीपक चहर आणि कुलदीप सेन दोन खेळाडूही मुंबईला परतणार आहेत. दुसरा एकदिवसीय सामना खेळत असलेला दीपक हॅमस्ट्रिंगच्या समस्येशी झुंजत आहे, तर अनकॅप्ड खेळाडू कुलदीप सेनला पाठीला दुखापत झाली आहे.