Rohit Sharma Nose Bleeding Ind vs SA : दक्षिण आफ्रिकेविरुद्धच्या तीन सामन्यांच्या T20I मालिकेत भारताने 2-0 अशी अभेद्य आघाडी घेतली आहे. प्रथम फलंदाजी करताना भारताने 237 धावा केल्या. प्रत्युत्तरात दक्षिण आफ्रिकेला केवळ 221 धावा करता आल्या आणि 16 धावांनी सामना गमावला.

टीम इंडियाच्या या विजयात भारताच्या पहिल्या चार फलंदाजांनी सर्वाधिक योगदान होते. रोहित, राहुल, विराट आणि सूर्यकुमार यांनी शानदार फलंदाजी करत दक्षिण आफ्रिकेसमोर 237 धावांचे लक्ष्य दिले. यानंतर आफ्रिकन संघाचा पराभव जवळपास निश्चित झाला होता. या सामन्यात रोहित शर्माने सर्वांची मने जिंकली. सामन्याच्या दुसऱ्या डावात भारतीय संघ गोलंदाजी करत होता. त्यादरम्यान रोहितच्या नाकातून रक्त येऊ लागले. मात्र हिटमॅनने मैदान सोडले नाही. तो टॉवेलने नाक पुसत गोलंदाज हर्षल पटेलला सूचना देत राहिला. त्याच्या समर्पणाने सर्वांची मने जिंकली.

दक्षिण आफ्रिकेच्या डावाच्या 11व्या षटकात ही घटना घडली. डी कॉक आणि मिलर फलंदाजी करत होते. हर्षल पटेलच्या षटकातील पहिल्या चेंडूनंतर रोहित नाक साफ करताना कॅमेऱ्यात कैद झाला. दिनेश कार्तिक त्याच्याकडे गेला आणि त्याने लगेच फिजिओला मैदानात येण्याचे संकेत दिले. रोहितच्या नाकातून रक्त येत होते, मात्र असे असतानाही मैदान सोडण्यापूर्वी त्याने आपला गोलंदाज हर्षल पटेलला फील्ड प्लेसमेंटची संपूर्ण माहिती दिली. यानंतर फिजिओने रोहितला मैदानाबाहेर गेला.