T20 World Cup Rohit Sharma : बीसीसीआयमध्ये सचिव पदाची दुसरी टर्म मिळाल्या मिळाल्या जय शहा यांनी भारतीय संघ पाकिस्तान दौऱ्यावर जाण्याची शक्यता फेटाळून लावली. त्यांच्या या वक्तव्यानंतर पाकिस्तान क्रिकेट बोर्डाने भारताला 2023 च्या वर्ल्डकपमधून पाकिस्तान माघार घेईल अशी धमकी दिली. या सर्व पार्श्वभुमीवर पुन्हा एकदा क्रिकेटच्या मैदानावर भारत विरूद्ध पाकिस्तान वाद पेटला. दरम्यान, भारतीय कर्णधार रोहित शर्मा या बाबत वक्तव्य केले आहे.

मेलबर्नमध्ये भारत-पाकिस्तान सामन्याची उलटी गिनती सुरू झाली आहे. या सामन्यासाठी दोन्ही संघांची तयारी जोरात सुरू आहे. आता सामना सुरू होण्याच्या एक दिवस अगोदर रोहित शर्माने पत्रकार परिषद घेतली. ज्यात पाकिस्तानी पत्रकाराने एक प्रश्न विचारला की भारताने पाकिस्तानचा दौरा केला पाहिजे का?. यावर रोहित म्हणाला की, माझे लक्ष फक्त टी-20 वर्ल्ड कपवर आहे. मी याचा विचार करत नाही. याबाबत बीसीसीआय निर्णय घेईल.

टीम इंडियाचे सर्व खेळाडू या सामन्यासाठी पूर्णपणे तंदुरुस्त आहेत. पाकिस्तानविरुद्धच्या सामन्याबाबत संघावर कोणतेही दडपण नाही. मोहम्मद शमी अजूनही पूर्णपणे तंदुरुस्त नाही आणि तो पहिल्या सामन्यात खेळू शकणार नाही, पाकिस्तान सामन्यापूर्वी रोहित शर्माने सांगितले. भारतीय कर्णधाराने सांगितले की, पाकिस्तानविरुद्धच्या सामन्यासाठी संघ पूर्णपणे तयार आहे. हिटमॅन मेलबर्नच्या हवामानाबद्दलही बोलला. ते म्हणाले की, येथील हवामान प्रत्येक क्षणाला बदलत आहे. सामन्यादरम्यान संघ सर्व परिस्थितींसाठी तयार असतात.