India vs South Africa : टी-20 विश्वचषक सुरू होण्यापूर्वी खेळल्या गेलेल्या शेवटच्या टी-20 सामन्यात भारतीय संघाला 49 धावांनी दारूण पराभवाला सामोरे जावे लागले. इंदूरमध्ये खेळल्या गेलेल्या मालिकेतील शेवटच्या आणि तिसऱ्या टी-20 सामन्यात दक्षिण आफ्रिकेने भारताचा पराभव केला. या पराभवानंतर टीम इंडियाच्या डगआऊटमध्ये दिनेश कार्तिक टाळ्या वाजवताना दिसला.

कर्णधार रोहित शर्माने हे पाहिल्यानंतर त्याला ठोसा मारला. याचा हा व्हिडिओ सोशल मीडियावर चांगलाच व्हायरल होत आहे. मात्र, कर्णधार रोहित शर्माच्या नेतृत्वाखाली टीम इंडियाने ही मालिका 2-1 अशी जिंकली आहे. पहिल्यांदाच दक्षिण आफ्रिकेला त्यांच्याच घरच्या मैदानावर टी-20 मालिकेत पराभूत केले.

इंदूरमध्ये खेळल्या गेलेल्या टी-20 मालिकेतील शेवटच्या सामन्यात दक्षिण आफ्रिकेने प्रथम फलंदाजी करताना 20 षटकात 227 धावा केल्या. प्रत्युत्तरात टीम इंडियाने सुरुवातीपासूनच येथे गुडघे टेकले आणि फलंदाज पूर्णपणे फ्लॉप दिसले. कर्णधार रोहित शर्माला खातेही उघडता आले नाही, त्याच्यापाठोपाठ ऋषभ पंत, श्रेयस अय्यरही स्वस्तात माघारी परतले. दिनेश कार्तिकने अव्वल क्रमवारीत येऊन 46 धावांची धडाकेबाज खेळी केली, पण तो एकटा काही करू शकला नाही.

रोहित शर्मा आणि दिनेश कार्तिक यांच्यात जे काही घडले ते फक्त त्याच्या हास्याचा भाग होता. भारताच्या पराभवानंतर ही फोटो मैदानावरील कॅमेऱ्यांनी टिपली आहे. यामध्ये तुम्ही बघू शकता की, पराभवानंतर कार्तिकने टाळी वाजवली तेव्हा रोहित शर्माने त्याच्या पाठीवर जोरात ठोसा मारला आहे.