Rohit Sharma Viral Video Steve Smith Wicket : ऑस्ट्रेलियाविरुद्ध खेळला गेलेला मालिकेतील पहिला टी-20 सामन्याट टीम इंडियाचा पराभव झाला. या सामन्यात भारतीय गोलंदाजांची कामगिरी अत्यंत खराब झाली. दरम्यान, टीम इंडियाचा कर्णधार रोहित शर्माची एक प्रतिक्रिया सोशल मीडियावर प्रचंड व्हायरल होत आहे. या व्हिडिओमध्ये तो ऑस्ट्रेलियन खेळाडूच्या हरामीपणाकडे बोट दाखवताना दिसत आहे.

ऑस्ट्रेलियाच्या डावातील 12व्या षटकात स्टार फलंदाज स्टीव्ह स्मिथ फलंदाजी करत होता. या षटकातील तिसऱ्या चेंडूवर उमेश यादवने त्याला बाद केले. स्टीव्ह स्मिथने या षटकात विकेटच्या मागे दिनेश कार्तिककडे त्याचा झेल दिला, पण अंपायरने त्याला आऊट दिले नाही. पंचांच्या नॉटआऊट निर्णयावर टीम इंडियाने रिव्ह्यू घेतला. चेंडू स्मिथच्या बॅटला लागल्याचे रिप्लेमध्ये स्पष्ट झाले. त्यानंतरही स्टीव्ह स्मिथ यावर विश्वास ठेवत नव्हता. हा प्रसंग पाहून कॅप्टन रोहितने त्याच्याकडे बोट दाखवले आणि हसायला लागला. रोहितच्या या हावभावाचा व्हिडिओ प्रचंड व्हायरल होत आहे.

स्टीव्ह स्मिथने या सामन्यात 24 चेंडूत 35 धावा करून बाद झाला. या खेळीत त्याच्या बॅटने 3 चौकार आणि 1 षटकार मारला. टीम इंडियाने प्रथम फलंदाजी करताना 208 धावा केल्या. टीम इंडियाकडून हार्दिक पांड्याने सर्वाधिक 71 धावा, तर केएल राहुलने 55 आणि सूर्यकुमार यादवने 46 धावा केल्या. 209 धावांच्या लक्ष्याचा पाठलाग करताना ऑस्ट्रेलियन संघाने 19.2 षटकांत 6 गडी गमावून हे लक्ष्य गाठले. ऑस्ट्रेलियाकडून कॅमेरून ग्रीनने 61 आणि मॅथ्यू वेडने नाबाद 45 धावा केल्या.