Yashasvi Yadav Rohit Sharma : भारत आणि वेस्ट इंडीज यांच्यातील पहिल्या कसोटीच्या दुसऱ्या दिवशी रोहित शर्मा आणि यशस्वी जैसवाल यांनी पहिल्या सत्रात विंडीजच्या गोलंदाजांना चांगलेच थकवले. पहिल्या सत्रात या दोघांनीही सावध फलंदाजी करत भागीदारी रचण्यावर भर दिला. (West Indies Vs India 1st Test Day 2 News)

यशस्वी जैसवालने (Yashasvi Jaiswal) आपल्या पदार्पणाच्या कसोटीत अर्धशतकी खेळी केली. यानंतर रोहितनेही आपले अर्धशतक पूर्ण केले. या दोघांनी बघता बघता शतकी आणि त्यानंतर 150 शतकी भागीदारी रचली.

यशस्वी आणि रोहितने लंचनंतर धावगती वाढवण्यास सुरूवात केली. दरम्यान या दोघांची भागीदारी 160 धावांच्या पार पोहचल्यानंतर इतिहास रचला गेला. यशस्वी जैसवाल आणि रोहित शर्मा (Rohit Sharma) यांनी वेस्ट इंडीजमध्ये भारताकडून सर्वात मोठी सलामी भागीदारी रचली. विशेष म्हणजे रोहित शर्मा आणि यशस्वी जैसवाल हे पहिल्यांदाच कसोटीमध्ये सलामीला आले आहेत. भारताला अनेक वर्षानंतर डावखुरा सलामीवीर मिळाला आहे.

दरम्यान, यशस्वी जैसवालने दुसऱ्या सत्रात आक्रमक फटके मारत आपली अर्धशतकी खेळी शतकी खेळीत रूपांतरित करण्याचा प्रयत्न केला. (Test Cricket Records)

दुसऱ्या बाजूने रोहित शर्माने देखील संथ फलंदाजी केली. यामुळे भारताची धावगती थोडी मंदावली होती. मात्र या दोघांनी धावांची गती वाढवण्यास सुरूवात करत आपली पहिल्या डावातील आघाडी वेगाने वाढवण्यास सुरूवात केली. ही जोडी आता जवळपास 4 च्या सरासरीने धावा करण्याचा प्रयत्न करत आहे.