South Africa vs India Ruturaj Gaikwad Video Viral : दक्षिण आफ्रिकेविरुद्ध जोहान्सबर्ग येथे खेळल्या गेलेल्या पहिल्या एकदिवसीय सामन्यात भारताने 8 गडी राखून विजय मिळवला. या विजयासह टीम इंडियाने तीन सामन्यांच्या मालिकेत 1-0 अशी आघाडी घेतली आहे.

दरम्यान, सोशल मीडियावर एक व्हिडिओ व्हायरल होत आहे. हा व्हिडिओ भारतीय संघाचा सलामीवीर फलंदाज ऋतुराज गायकवाडचा आहे. ऋतुराज बसमध्ये चढण्यासाठी जातो, मात्र ड्रायव्हरने दरवाजा बंद केला. ज्यावर सोशल मीडिया यूजर्सकडून अनेक प्रकारच्या प्रतिक्रिया आल्या.

वास्तविक, X वर एक व्हिडिओ व्हायरल होत आहे. ज्यामध्ये ऋतुराज गायकवाड बसमध्ये बसण्यासाठी जात आहे, पण दरवाज्या अचानक बंद झाला. हा व्हिडिओ फक्त 10 सेकंदांचा आहे. मात्र, पुढील काय झाले. याबाबत अद्याप कोणतीही माहिती समोर आलेली नाही. सोशल मीडियावर काही युजर्सनी दावा केला आहे की, ऋतुराजला बसमध्ये बसू दिले नाही.

जोहान्सबर्ग येथे खेळल्या गेलेल्या पहिल्या एकदिवसीय सामन्यात भारताने दक्षिण आफ्रिकेला दणदणीत पराभव केला. प्रथम फलंदाजी करताना दक्षिण आफ्रिकेचा संघ केवळ 116 धावा करू शकला.

भारताने 117 धावांचे लक्ष्य 2 गडी गमावून पूर्ण केले. या सामन्यात ऋतुराज काही विशेष करू शकला नाही. तो टीम इंडियासाठी सलामीला आला होता. यादरम्यान तो 10 चेंडूंचा सामना करून 5 धावा करून पॅव्हेलियनमध्ये परतला.