क्रिकेटच्या मैदानावर आजही सचिन तेंडुलकरचे नाव मोठ्या आदराने घेतले जाते. सचिन हा केवळ एक खेळाडू नव्हता तर करोडो भारतीयांचा आशास्थान होता. वयाच्या 17 व्या वर्षी सचिनने पहिला सामना खेळला अन् 2013 मध्ये त्याने त्याचा शेवटचा आंतरराष्ट्रीय सामना खेळला तेव्हा तो 40 वर्षांचा होता. आज मास्टर ब्लास्टर 50 वर्षांचा झाला आहे. क्रिकेट कारकीर्दीत शेकडो रेकॉर्ड नावावर केलेला हा महान खेळाडू आजही आपल्या प्रतिमेबाबत खूप काळजी घेतो.

पण एक काळ असा होता की देशाच्या संसदेत सचिनला कडाडून विरोध झाला होता. सचिनला विरोध कोण करत होतं आणि याचे कारण काय? चला जाणून घेऊया.

सचिन तेंडुलकरला देशाच्या संसदेचे वरिष्ठ सभागृहात म्हणजे राज्यसभेत खासदार म्हणून नामांकन देण्यात आले होते, परंतु तो यासाठी कदाचित तो तयार नव्हता. खासदार म्हणून निवड झाल्यानंतर सचिनने संसदेत क्वचितच वेळ घालवला आहे. सदस्यत्व मिळाल्यानंतर तीन वर्षांनी त्यांने संसदेत पहिला प्रश्न विचारला.

क्रिकेट खेळत असताना 2012 मध्ये त्यांना खासदार करणे हाही चुकीचा निर्णय होता असे बोलले जाते. कदाचित याआधीच्या इतर खासदारांप्रमाणे सचिननेही चूक केली आणि राज्यसभेचे सदस्यत्व जबाबदारीपेक्षा सन्मानाचे मानले. मात्र यामुळेच त्याला विरोधाला समोरे जावे लागले.

सचिनच्या अनुपस्थितीबाबत समाजवादी पक्षाचे खासदार नरेश अग्रवाल यांनी सर्वप्रथम प्रश्न उपस्थित केला होता, ते म्हणाले, संसद ही अशी जागा नाही की जिथे तुम्हाला लोकांचे विचारपूस करण्यासाठी बोलावलं जावं. हे एक महत्वपूर्ण ठिकाण आहे. जिथे गंभीर विषयांवर चर्चा होतात. प्रसिद्ध व्यक्तींना इथे येण्याच्या इच्छा नसेल, तर त्यांनी संसदेचं सदस्यत्व स्वीकारू नये.

खासदार नरेश अग्रवाल यांनी पॉइंट ऑफ ऑर्डर अंतर्गत हा मुद्दा उपस्थित करताना म्हटले होते की, सचिन तेंडुलकर आणि रेखा यांच्यासह काही नामनिर्देशित सदस्य अर्थसंकल्पीय अधिवेशनात राज्यसभेच्या कामकाजाला उपस्थित राहिले नाहीत.

जर हे लोक नियमितपणे सभागृहात येत नसतील तर याचा अर्थ त्यांना त्यात रस नाही. अशा स्थितीत त्यांनी राजीनामा देऊ नये का? अग्रवाल यांनी उपसभापतींना आपल्या कार्यालयाच्या वतीने या सदस्यांना सभागृहाच्या कामकाजात उपस्थित राहण्याच्या सूचना देण्याची मागणी केली.

ठेवा भारताच्या राष्ट्रपतींना क्रीडा, कला, साहित्य, विज्ञान आणि समाजसेवेशी संबंधित 12 लोकांना राज्यसभा खासदार म्हणून नेमणूक करण्याचा अधिकार आहे. याअंतर्गत सचिन आणि रेखासारखे सेलिब्रिटी राज्यसभेचे खासदार झाले. सध्या देशातील कला क्षेत्रातून सामाजिक कार्याशी संबंधित रघुनाथ महापात्रा, सोनल मानसिंग आणि राम सकल यांना नामांकन मिळाले आहे.