West Indies Defeat Australia : वेस्ट इंडीजने गाबामध्ये ऑस्ट्रेलियाचा 8 धावांनी पराभव करत इतिहास रचला. तब्बल 27 वर्षांनी वेस्ट इंडीजने ऑस्ट्रेलियाविरूद्ध गाबामध्ये कसोटी विजय मिळवला आहे. या विजयात वेस्ट इंडीजचा युवा वेगवान गोलंदाज शामर जोसेफने सिंहाचा वाटा उचलला. त्याने दुसऱ्या डावात ऑस्ट्रेलियाचे 7 फलंदाज 68 धावा देत गारद देले. (Sachin Tendulkar praise on Shamar Joseph)

वेस्ट इंडीजच्या या ऐतिहासिक विजयानंतर त्यांचे जगभरातून कौतुक होत आहे. मास्टर ब्लास्टर सचिन तेंडुलकरने देखील ट्विट केले. सचिन तेंडुलकर जोसेफचे कौतुक करत म्हणाला, 'शामर जोसेफची दमदार गोलंदाजी. त्याच्या 7 विकेट्स या दृढनिश्चय आणि कसोटी क्रिकेटमधील रंजकता याचं सर्वात मोठं उदाहरण आहे. हा असा क्रिकेट फॉरमॅट आहे जो खेळाडूची परीक्षा पाहतो आणि त्याला आपलं नाणं खणखणीत वाजवून दाखवण्याची संधी देतं. ऑस्ट्रेलियात 27 वर्षानंतरच्या वेस्ट इंडीजच्या विजयाचा शिल्पकार.'

वेस्ट इंडीजकडून वेगवान गोलंदाज शामर जोसेफने दुसऱ्या डावात 7 विकेट्स घेतल्या. विशेष म्हणजे 24 वर्षाचा हा गोलंदाज आपली दुसरीच कसोटी खेळत होता. जोसेफला सामनावीर आणि मालिाकवीराचा देखील पुरस्कार देण्यात आला. दुसऱ्या सामन्यात त्याचा पायाचा अंगठा दुखावला होता. फलंदाजी करताना त्याला मैदान देखील सोडावे लागले होते. मात्र तो गोलंदाजी करण्यासाठी मैदानात उतरला अन् त्यानं विंडीजच्या ऐतिहासिक विजयात मोलाचा वाटा उचलला. 

(Sports Latest News)