मुंबई ः दिग्गज क्रिकेटपटू सचिन तेंडुलकर हाही यंदाच्या मुंबई क्रिकेट संघटनेच्या निवडणुकीतील मतदार आहे. केवळ सचिनच नव्हे तर मुंबईतील 39 क्रिकेटपटूंना हा आधिकार लाभला आहे.
लोढा समितीने भारतीय क्रिकेट मंडळाच्या संलग्न संघटनांना माजी क्रिकेटपटूंना मतदार करण्याची सूचना केली होती. त्यानुसार 24 पुरुष आणि 15 महिला क्रिकेटपटूंना हा मान लाभला आहे. संजय मांजरेकर, प्रवीण अमरे, चंद्रकांत पंडित, अजित आगरकर, साईराज बहुतुले, संदीप पाटील, झहीर खान, विनोद कांबळी हे क्रिकेटपटू या नात्याने मतदार झाले आहेत. महिला क्रिकेटपटूत अंजली पेंढारकर, आरती वैद्य, अरुंधती घोष, दीपा मराठे, सुनेत्रा परांजपे आहेत.
अर्थातच या निवडणुकीत शरद पवार, उद्धव ठाकरे, आशिष शेलार, आदित्य ठाकरे, सचिन अहिर, मिलिंद नार्वेकर, प्रताप सरनाईक, पंकज ठाकूर हे दिग्गजही मतदान करतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.